ბადრი ჯაფარიძე - ჩვენს წინააღმდეგ არსებობს შეთქმულება, რომლის სათავეშია ბიძინა ივანიშვილი, შემსრულებლები არიან პროკურატურა და „ქართული ოცნების“ ე.წ ცნობადი სახეები

კონსტიტუციურმა ორგანომ, სახალხო დამცველის ინსტიტუტმა, შეისწავლა ის საქმე, რომელსაც პროკურატურა გვედავება და მოამზადა დასკვნა, რომლის თანახმადაც, ამ ბრალდებას, რომელსაც პროკურატურა გვიყენებს, არანაირი სამართლებრივი საფუძველი არ გააჩნია, - ამის შესახებ პოლიტიკური მოძრაობის „ლელო საქართველოსთვის“ პოლიტიკურმა მდივანმა, ბადრი ჯაფარიძემ დღევანდელ პრესკონფერენციაზე განაცხადა.

მისი შეფასებით, „ლელო საქართველოსთვის“ დამფუძნებლების წინააღმდეგ არსებობს შეთქმულება, რომელსაც სათავეში ბიძინა ივანიშვილი უდგას.

„საზოგადოებისთვის უკვე დიდი ხანია ნათელია, რომ ჩვენს წინააღმდეგ არსებობს შეთქმულება, რომლის სათავეშია ბიძინა ივანიშვილი და შემსრულებლები არიან პროკურატურა და „ქართული ოცნების“ ე.წ. ცნობადი სახეები. პროკურატურა იმის ნაცვლად, რომ ებრძოდეს თაღლითობას, თვალთმაქცობას და დანაშაულს, თვითონ არის დანაშაულებრივი სქემის ნაწილი და თაღლითობის და თვალთმაქცობის გზით ასრულებს მის მიერ მიცემულ დავალებას. ხაზგასასმელია, რომ ყოფილი გენერალური პროკურორი, ე.წ. უდიპლომო თადუმაძე, დაჯილდოვდა ჩვენს წინააღმდეგ წარმოდგენილ ბრალზე ხელის მოწერის ასანაზღაურებლად. ის დაჯილდოვდა უზენაეს სასამართლოში უვადო გამწესებით და სამწუხაროა, რომ ეს დანაშაული ხდება ჩვენს ქვეყანაში და ეს ძალიან დიდ საფრთხეს უქმნის ჩვენი ქვეყნის დემოკრატიულ მშენებლობას, ანგრევს უმნიშვნელოვანეს ინსტიტუტებს.

ცნობილია, რომ რამდენიმე დღის წინ, მაღალი რეპუტაციის მქონე ორგანიზაციამ, კონსტიტუციის 42-ე მუხლი, შეისწავლა ის საქმე, რომელსაც გვედავება პროკურატურა და მათ ცალსახად გააკეთეს დასკვნა, რომ იქ, ამ საქმეში, არანაირი დანაშაულის ნიშნები არ არსებობს. ამჯერად უკვე კონსტიტუციურმა ორგანომ, სახალხო დამცველის ინსტიტუტმა, შეისწავლა იგივე საქმე და მოამზადა დასკვნა, რომლის თანახმადაც, ამ ბრალდებას, რომელსაც პროკურატურა გვიყენებს ჩვენ, არანაირი სამართლებრივი საფუძველი არ გააჩნია. ამ დასკვნის თანახმად, ეს არის ყოვლად უსაფუძვლო, მოგონილი ბრალდება და ეს კიდევ ერთხელ ადასტურებს, რომ ეს არის იმ შეთქმულების ნაწილი, რომელზეც მე მოგახსენეთ“, - განაცხადა ჯაფარიძემ.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)