2019 წელი მსოფლიოს ისტორიაში მე-2 ყველაზე ცხელი წელი იყო, ბოლო ათწლეული კი 150 წლის განმავლობაში ყველაზე ცხელი აღმოჩნდა. ამ ინფორმაციას The Guardians NASA-ს კვლევაზე დაყრდნობით ავრცელებს. მათი განცხადებით, ჰაერის საშუალო ტემპერატურა ბოლო 150 წლის მანძილზე 1.1 გრადუს ცელსიუსით გაიზარდა და საუკუნის ბოლომდე ის 2 გრადუსს მიაღწევს.
მეცნიერების მტკიცებით, ამის მიზეზი მსოფლიოში ნახშირორჟანგის ჭარბი გამოყოფაა.
მათი თქმით, ტემპერატურის მატება გლობალურ დათბობასა და კლიმატის ცვლილებას იწვევს, რის გამოც სტიქიური კატასტროფების რიცხვი მომავალში მნიშვნელოვნად გაიზრდება. ამის მაგალითად მათ გასულ წელს ამაზონისა და ავსტრალიის ტყეების მასშტაბური ხანძრები და დამანგრეველი ქარიშხლები მოჰყავთ.