იდლიბის პროვინციაში ავიაიერიშებს 18 ადამიანის სიცოცხლე ემსხვერპლა
სირიაში, იდლიბის პროვინციებში განხორციელებულ ავიაიერიშებს 18 მშვიდობიანი მოქალაქის სიცოცხლე ემსხვერპლა, - ამის შესახებ ინფორმაციას „ბიბისი“ სირიის ადამიანის უფლებების სადამკვირვებლო ორგანზაციაზე დაყრდნობით ავრცელებს.
მათივე ინფორმაციით, თავდასხმა რუსული და სირიის მთავრობის კუთვნილი ბომბდამშენებით ალ-ჰალის ბაზარსა და ოდლიბის ინდუსტრიულ ზონაში განხორციელდა.
AFP-ის კორესპონდენტის ინფორმაციით, ინდუსტრიულ ზონაში რამდენიმე მანქანა დაიწვა და მძღოლები დაიღუპნენ.
გავრცელებული ინფორმაციით, გარდაცვლილთა შორის ბავშვებიც არიან.
შეგახსენებთ, რომ კვირას ძალაში შევიდა რუსეთის პრეზიდენტის მიერ დაანონსებული ცეცხლის შეწყვეტის ხელშეკრულება, რომელიც მის მთავარ მოკავშირე ბაშარ ალ-ასადსა და თურქეთის მიერ მხარდაჭერილ აჯანყებულებს შორის გაფორმდა.
