დონალდ ტრამპის იმპიჩმენტის საბრალდებო მასალა სენატს გადაეცა

აშშ-ის პრეზიდენტის დონალდ ტრამპის იმპიჩმენტის საბრალდებო მასალა სენატს გადაეცა. მასალა მოიცავს საბრალდებო დასკვნას, რომლის თანახმადაც ამერიკის პრეზიდენტს ძალაუფლების ბოროტად გამოყენებაში და კონგრესში მიმდინარე გამოძიების ხელის შეშლაში ადანაშაულებენ. დოკუმენტს ხელი ნენსი პელოსიმ მოაწერა.

„რა სამწუხაროა, რამხელა ტრაგედიაა ჩვენი ქვეყნისთვის, რომ პრეზიდენტის ქმედებები ძირს უთხრის ჩვენი ქვეყნის ეროვნულ უსაფრთხოებას, არღვევს თავის ფიცს და საფრთხეს უქმნის არჩევნების უსაფრთხოდ ჩატარებას. ამ ყველაფერმა ჩვენ დღეს აქამდე მოგვიყვანა“, - განაცხადა ნენსი პელოსიმ დოკუმენტზე ხელის მოწერის შემდეგ და დასძინა, რომ კანონზე მაღლა არავინ დგას.

შეგახსენებთ, რომ დონალდ ტრამპის იმპიჩმენტის პროცესი, მის მიერ უკრაინის პრეზიდენტ ვლადიმირ ზელენსკისთან განხორციელებული სატელეფონო ზარის გამო დაიწყო.

როგორც ცნობილი გახდა, ამერიკის პრეზიდენტი თავის უკრაინელ კოლეგას მისი პოლიტიკური მეტოქის, ჯო ბაიდენისა და მისი შვილის, ჰანთერ ბაიდენის წინააღმდეგ გამოძიების დაწყებას სთხოვდა. აშშ-ის წარმომადგენელთა პალატამ ტრამპის იმპიჩმენტი უკვე დაამტკიცა. ახლა საქმეს ამერიკის სენატი განიხილავს.

იხილეთ ვიდეო: დონალდ ტრამპის იმპიჩმენტის მასალა სენატს გადაეცა

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია