ბრაზილიის მკვიდრი ტომების ლიდერებმა ოთხდღიანი ტომობრივი შეკრება დაიწყეს, რათა წინააღმდეგობა გაუწიონ მემარჯვენე პრეზიდენტის, ჯაირ ბოლსონაროს მოთხოვნებს, რომ მათი დაცული ტერიტორიები კომერციული სამთო სამუშაოებისთვის და სოფლის მეურნეობისთვის გამოიყენონ.
მედიის ცნობით, ბოლსონეროს პრეზიდენტობის შემდეგ, ტომების მიწებს არალეგალურად ეუფლებიან, რაც ტყის გაკაფვას, ხანძრებსა და შეტაკებებს იწვევს. გარემოს დამცველები შიშობენ, რომ ბოლსონეროს პოლიტიკა მსოფლიოს ყველაზე დიდი ტროპიკული ჯუნგლების განადგურებას გამოიწვევს, რაც თავის მხრივ უმძიმესად აისახება კლიმატის ცვლილებებზე.
„სიმდიდრე, რომელზეც ბოლსონერო საუბრობს, არის თეთრი ადამიანების სიმდიდრე, მანქანები, თვითმფრინავები და რანჩოები. ჩვენი სიმდიდრე ტყეებსა და მდინარეებშია“,-განაცხადა ერთ-ერთი ტომის ლიდერმა მეგარონ თქსუქარამაემ „როიტერსთან“ საუბარში.
გაზეთ O Globo-ს ცნობით, ბრაზილიის მთავრობა ამაზონის ჯუნგლებში არა მხოლოდ სამთო სამუშაოებს, არამედ ნავთობისა და გაზის მოპოვების სამუშაოებს გეგმავს. მათივე ინფორმაციით, მიწებზე ჰიდტროელექტროსადგურების და კომერციული ფერმების მოწყობაც იგეგმება, სადაც ტომთა მიწებზე კანონით აკრძალულ, გენეტიკურად მოდიფიცირებულ მარცვლეულს დათესავენ.