ვანო მაჭავარიანი - მიშუსტინი ძალოვანი სტრუქტურების წარმომადგენელია, მიაჩნიათ, ის უნდა იყოს ხელმძღვანელი იმ მნიშვნელოვანი საქმიანობის, რომელიც მათ 2024 წლამდე უსაფრთხოდ მიიყვანს

მიაჩნიათ, რომ მიშუსტინი უნდა იყოს ხელმძღვანელი იმ მნიშვნელოვანი საქმიანობის, რომელიც მათ 2024 წლამდე მიიყვანს უსაფრთხოდ, - ამის შესახებ ექსპერტმა ვანო მაჭავარიანმა რუსეთში მიმდინარე პოლიტიკური მოვლენების შეფასებისას „ინტერპრესნიუსთან“ საუბრისას განაცხადა.

მისი თქმით, პრემიერის პოსტზე წარდგენილი მიხეილ მიშუსტინი პოლიტიკური ფიგურა არაა და ის ძალოვანი სტრუქტურების წარმომადგენელი და შემსრულებელია.

„პრემიერად მიშუსტინის წარდგენა ნაწილია ამ სისტემის რეაქციის. თუ დააკვირდებით მის საქმიანობას, ის არის სწორედ ამ ძალოვანი სტრუქტურების წარმომადგენელი, შემსრულებელი, ის არ არის პოლიტიკური ფიგურა. სწორედ ამ პროცესების უკან დგას ФСБ, რომელსაც პუტინი ხელმძღვანელობს და მიაჩნიათ, რომ სწორედ მიშუსტინი უნდა იყოს ხელმძღვანელი იმ მნიშვნელოვანი საქმიანობის, რომელიც მათ 2024 წლამდე მიიყვანს უსაფრთხოდ ამ საკონსტიტუციო, საგარეო თუ შიდა პოლიტიკური ცვლილებების ფონზე. ასევე მნიშვნელოვანია, რომ ძალიან ყურადღებით უნდა დავაკვირდეთ, პუტინის საგარეო ფაქტორსაც. ის გარკვეულწილად ქმნის ახალ „რკინის ფარდას“, დასავლეთთან, ევროპულ სტრუქტურებთან, თუ დასავლელ პარტნიორებთან ურთიერთობაში და ვფიქრობ, რომ ამ თვალსაზრისით ძალიან მნიშვნელოვანი ქმედებები შეიძლება ვიხილოთ რუსეთის მხრიდან, რომელიც დააშორებს მას დასავლური სამყაროსგან და თვითკმაყოფაზე და კომფრონტაციულ რეჟიმზე გადაიყვანს უფრო მეტად, ვიდრე დღეს გვაქვს“, - განაცხადა მაჭავარიანმა.

რაც შეეხება ზოგადად, რუსეთის მთავრობის გადადგომას, ექსპერტის შეფასებით, „ეს არის გარკვეულწილად სისტემის გამოძახილი, სადაც პუტინი იძულებულია, რომ სწორედ 2020-ში გადადგას ნაბიჯები, რომელიც მას 2024-ში უნდა გადაედგა“.

„ძალიან მნიშვნელოვანი მომენტია აქ ის, რომ სისტემა, რომელიც პუტინმა ჩამოაყალიბა, რომლის ხელმძღვანელი არის პუტინი და მასში არის შემადგენელი ძალიან კონკრეტული ფინანსური, პოლიტიკური, ძალოვანი თუ სხვა სტრუქტურები, ცდილობს, მაქსიმალურად გაიხანგრძლივოს ცხოვრება, პოლიტიკური სიცოცხლე იმ მძიმე ნეგატიურ ფონზე, რომელიც შეიქმნა რუსეთში მთავრობის და პუტინის წინააღმდეგ. მიმაჩნია, რომ ეს არის გარკვეულწილად სისტემის გამოძახილი, სადაც პუტინი იძულებულია, რომ სწორედ 2020-ში გადადგას ნაბიჯები, რომელიც მას 2024-ში უნდა გადაედგა და გარკვეულწილად იპოვოს საშუალება, რომ თან იყოს ძალაუფლებაში და თან მაქსიმალურად პასუხისმგებლობა აიცილოს თავიდან. არსებობს გამოთქმა - ძაღლი აქანავებს კუდს, თუ კუდი ძაღლს, ამ შემთხვევაში ეს არის მნიშვნელოვანი, რომ ეს არის სისტემის ზეწოლა პუტინზე, რომ ეს გადაწყვეტილება მიეღოთ, რომლის ნაწილიც თვითონ პუტინია, იმისთვის რომ ძალაუფლება შეენარჩუნებინათ, თუ პუტინი, რომელიც სისტემას სწორედ ამ გამოსავალს სთავაზობს, რომ მის მიერ შექმნილი სისტემა, 2024 წელს არ ჩამოიშალოს“,- განაცხადა მაჭავარიანმა.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს