ირაკლი ქარსელაძე აცხადებს, რომ ანაკლიის პორტამდე მისასვლელი გზის და რკინიგზის მშენებლობის საკითხი, კონსორციუმთან ხელშეკრულების შეწყვეტის გამო, დღის წესრიგიდან მოიხსნა

რეგიონული განვითარების და ინფრასტრუქტურის მინისტრის პირველი მოადგილე, საავტომობილო გზების დეპარტამენტის ხელმძღვანელი ირაკლი ქარსელაძე აცხადებს, რომ ანაკლიის პორტამდე მისასვლელი გზისა და რკინიგზის მშენებლობის საკითხი, „ანაკლიის განვითარების კონსორციუმთან" ხელშეკრულების შეწყვეტის გამო, დღის წესრიგიდან მოიხსნა.

„ინტერპრესნიუსის"კითხვაზე, რა ეტაპზეა ანაკლიის პორტამდე მისასვლელი გზისა და რკინიგზის პროექტირების სამუშაოები და როდის გამოცხადდება ტენდერი მშენებლობასთან დაკავშირებით, ქარსელაძე აცხადებს, რომ სახელმწიფოს გზის და რკინიგზის მშენებლობის ვალდებულება, „ანაკლიის განვითარების კონსორციუმთან" არსებული ხელშეკრულების ფარგლებში ჰქონდა და ეს საკითხი ახალ ტენდერთანაა კავშირში, რომელიც პორტთან დაკავშირებით გამოცხადდება.

„მთავრობამ გადაწყვიტა კონკრეტული ხელშეკრულება გაუქმებულიყო. სახელმწიფოს გზის და რკინიგზის მშენებლობის ვალდებულება ამ კონკრეტული ხელშეკრულების ფარგლებში ჰქონდა. აუცილებელია არსებობდეს პორტი იმისთვის, რომ გზა ავაშენოთ. ჩვენ ანაკლიის გზისა და რკინიგზის პროექტი პრაქტიკულად გვაქვს, ტექნიკური დამუშავება მიმდინარეობს. ახლა იმაზეა საუბარი, სახელმწიფომ ასობით მილიონი ლარი უნდა დახარჯოს თუ არა იმ გზისთვის, რომლის პორტიც ჯერ არ აშენებულა და მომავალში გვაქვს იმედი, რომ აშენდება“, - აღნიშნა ქარსელაძემ.

მისივე თქმით, გზა ანაკლიისა და განმუხურის მოსახლეობისთვის უკვე არსებობს და ანაკლიის მოსახლეობას გადაადგილების პრობლემა არ აქვს.

ცნობისთვის, საავტომობილო გზების დეპარტამენტი, ანაკლიის ღრმაწყლოვან ნავსადგურთან მისასვლელი 18 კმ-იანი საავტომობილო გზისა და რკინიგზის პროექტირებას ახორციელებდა.

2019 წლის სახელმწიფო ბიუჯეტში ანაკლიის პორტთან მისასვლელი საავტომობილო გზის და რკინიგზის მშენებლობისთვის 11 მლნ ლარი იყო გათვალისწინებული.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა