სალომე სამადაშვილი - NDI-ის კვლევა ადასტურებს, რომ ქვეყანაში ივანიშვილის მმართველობის ხანა დასრულდა

ეს კვლევა ადასტურებს იმას, რომ ქვეყანაში ბიძინა ივანიშვილის მმართველობის ხანა დასრულდა, - ამის შესახებ "ნაციონალური მოძრაობის" წევრმა სალომე სამადაშვილმა NDI-ის კვლევის შეფასებისას ჟურნალისტებს განუცხადა.

დეპუტატი ყურადღებას ამახვილებს ფაქტზე, რომ კვლევის თანახმად, ბიძინა ივანიშვილმა ყველაზე მაღალი ნეგატიური შეფასება მიიღო.

„ვფიქრობ, NDI-ის კვლევებმა აჩვენა ის სურათი, რაც ჩვენს ქვეყანაში არის რეალობა. პირველ რიგში, იმის გამო, რომ ჩვენი მოქალაქეების დიდი უმრავლესობა არის საგრძნობლად გაღარიბებული და ეკონომიკა ფაქტიურად არის ჩამოშლილი,დღეს ჩვენი მოქალაქეების დიდი უმრავლესობა, 80 პროცენტი მხარს აღარ უჭერს "ქართულ ოცნებას" და სურს ცვლილება. ახლა ბურთი მოედანზე, ოპოზიციის მხარეს არის, რომ ჩვენ მოვახერხოთ და ამ თვეებში იმ გადაუწყვეტელი ამომრჩევლის უმრავლესობა დავარწმუნოთ იმაში, რომ ყველაზე სწორი ხედვა ქვეყნის სწრაფი განვითარების აქვს "ერთიან ნაციონალურ მოძრაობას", ოპოზიციას.

ეს კვლევა ადასტურებს იმას, რომ ბიძინა ივანიშვილის მმართველობის ხანა ქვეყანაში დასრულდა. ყველაზე მაღალი ნეგატიური შეფასება აქვს სწორად ბიძინა ივანიშვილს. ეს ნიშნავს იმას, რომ ქართველი ხალხი აღარ აპირებს დაუტოვოს საკუთარი სახელმწიფო სამართავად. ასევე ძალიან მნიშვნელოვანია, რომ მისი უკანასკნელი პროექტი სალომე ზურაბიშვილი არის ასევე ლიდერი მოსახლეობის უარყოფითი დამოკიდებულების თვალსაზრისით. ბიძინა ივანიშვილის პოლიტიკური პროექტი დასრულდა კრახით და ქართველი ხალხი საკუთარ გამარჯვებას გააფორმებს არჩევნებზე, ამას აჩვენებს რეალურად ეს კვლევა,"- განაცხადა სალომე სამადაშვილმა.

შეგახსენებთ, NDI -ის კვლევის მიხედვით, ყველაზე მაღალი ნეგატიური შეფასება ბიძინა ივანიშვილს და სალომე ზურაბიშვილს აქვთ. კერძოდ, გამოკითხულთა 49-49 პროცენტი ამბობს, რომ ბიძინა ივანიშვილის და სალომე ზურაბიშვილის მიმართ უარყოფითი დამოკიდებულება გააჩნიათ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია