ერეკლე კუხიანიძე - როცა ეიფორია დამთავრდება, ყველა მიხვდება, რომ ვაჟა გაფრინდაშვილი გმირი არ არის

როცა ეიფორია დამთავრდება, ვაჟა გაფრინდაშვილი ძალიან მძიმე მდგომარეობაში ჩავარდება და ყველა მიხვდება, რომ გმირი არ არის, - ამის შესახებ საკრებულოს წევრმა, ერეკლე კუხიანიძემ დღევანდელ ბრიფინგზე განაცხადა.

როგორც კუხიანიძემ აღნიშნა, მას ჯერ კიდევ სურს გაფრინდაშვილთან შეხვედრა.

„მე მინდოდა მასთან შეხვედრა იმიტომ, რომ მქონდა გარკვეული მოსაზრებები. ვიცი, რომ ეს ადამიანი ცოტა ხნის შემდეგ, როცა ეიფორია დამთავრდება, ძალიან მძიმე მდგომარეობაში ჩავარდება. ყველა მიხვდება, რომ ის გმირი არ არის და არის ადამიანი, რომელმაც გამოიჩინა სერიოზული სისუსტე", - აღნიშნა კუხიანიძემ.

კითხვაზე, არის თუ არა გმირობა, როცა აფხაზეთზე და ოსეთზე ამბობ, რომ საქართველოა, კუხიანიძემ განაცხადა, "როცა ერთს ამბობს და ბოლოს ბოდიშს იხდის, ეს არ მინდოდა მეთქვაო, ეს არ არის გმირობა“.

„თხოვა მან შეწყალება ბიბილოვს. პრეზიდენტისადმი ეს მიმართვა, ნიშნავს, რომ აღიარებ მის ძალაუფლებას", - აღნიშნა კუხიანიძემ.

მისივე თქმით, მან არაერთხელ სცადა გაფრინდაშვილთან გასაუბრება.

„ერთადერთი მისთვის სასარგებლო წინადადებებით მინდოდა შეხვედრა და ეს წინადადება შევეცადე გამეგზავნა მისი მეუღლისთვის „ფეისბუქში" და არ გახსნა, მერე მისი კლასელების, მეუფეს საშუალებით გავუგზავნე, თუ როგორ ვხედავდი სიტუაციას და თუ ეს ემთხვეოდა მის აზრს, სრულიად უმტკივნეულოდ მოხდებოდა შეხვედრა.

თუკი მოხდება შეხვედრა, მას ვეტყვი ჩემ აზრს, მე რას ვთავაზობ. დანარჩენზე თვითონ იფიქროს“, - განაცხადა კუხიანიძემ.

მისივე თქმით, „რასაც აკეთებდა ვაჟა გაფრინდაშვილი ცხინვალში, პირდაპირ ეწინააღმდეგებოდა ქართული სახელმწიფოს კურსს".

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა