გია ვოლსკი - თუ ირაკლი შოთაძეს გაუწევენ რეკომენდაციას გენერალური პროკურორის თანამდებობაზე, მე მხარს დავუჭერ

თუ ირაკლი შოთაძეს გაუწევენ რეკომენდაციას, მე მხარს დავუჭერ, მის პერიოდში საკმაოდ ბევრი საქმე არის სწორად წარმართული, - ამის შესახებ პირველმა ვიცე- სპიკერმა გია ვოლსკიმ გენერალური პროკურორის ვაკანტურ თანამდებობაზე ირაკლი შოთაძის კანდიდატურის წარდგენასთან დაკავშირებით ჟურნალისტებთან განაცხადა.

მისივე თქმით, საკადრო დეფიციტი, რაზეც ოპონენტები მიუთითებენ, არ არსებობს. რაც შეეხება სარალიძის საქმესთან დაკავშირებულ კრიტიკას, გია ვოლსკი მიიჩნევს, რომ მაშინ ირაკლი შოთაძის გადაწყვეტილება გადადგომის თაობაზე არასწორი იყო.

„თუ ირაკლი შოთაძეს გაუწევენ რეკომენდაციას, მე მხარს დავუჭერ. მის პერიოდში საკმაოდ საინტერესო რეფორმები განხორციელდა, ურთულეს პირობებში უწევდა მუშაობა და საკმაოდ ბევრი საქმე არის სწორად წარმართული სასამართლოში. ასე რომ, ირაკლი საკმაოდ კარგი კადრია და აქ არავითარ (საკადრო) დეფიციტზე საუბარი არ არის“, - განაცხადა ვოლსკიმ.

მისივე თქმით, სარალიძის საქმესთან დაკავშირებით შოთაძემ გადადგომის გადაწყვეტილება მიიღო იმიტომ, რომ გავლენის თემაზე სპეკულაცია არ ყოფილიყო ოპოზიციის მხრიდან.

„თუმცა, არ მიმაჩნია სწორად ეს გადაწყვეტილება რომ მიიღო, მაგრამ ეს მისი გადაწყვეტილება იყო და ეს მის პიროვნულ პოზიციაზეც კარგად მეტყველებს. კომისია ჩატარდა, ვფიქრობ, სპეკულაციებით იყო აღსავსე იმ ადამიანების პოზიცია, რომლებსაც ჩვენ ვუწოდებთ ოპონენტებს, მაგრამ რეალობაში ქვეყანას სჭირდება პროფესიონალი პროკურატურა, რომელიც ფაქტია, რომ სახეზეა,"- განაცხადა გია ვოლსკიმ.

გენპროკურორობიდან გადამდგარი ირაკლი შოთაძე გენერალური პროკურორის ვაკანტურ თანამდებობაზე წარადგინეს. იურისტ ირაკლი შოთაძის კანდიდატურა საპროკურორო საბჭოს საჯარო სამართლის იურიდიულმა პირმა საქართველოს ტექნიკურმა უნივერსიტეტმა წარუდგინა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)