მამუკა მდინარაძე - NDI-ის მიმართ რაიმე განსაკუთრებული უნდობლობა არ გვაქვს, CRRC კი ჩვენთვის ნდობის ეტალონი ვერ იქნება

NDI-ის მიმართ რაიმე განსაკუთრებული უნდობლობა არ გვაქვს. ჩვენ ამ ინსტიტუტს პატივს ვცემთ, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს NDI-ის საქართველოს ოფისის ხელმძღვანელთან ლორა თორნტონთან შეხვედრის შემდეგ განუცხადა. მდინარაძის თქმით, მმართველ გუნდს უნდობლობა კვლევითი ორგანიზაცია CRRC-ის მიმართ აქვს.

"NDI-ის მიმართ რაიმე განსაკუთრებული უნდობლობა არ გვაქვს. ჩვენ ამ ინსტიტუტს პატივს ვცემთ. საქართველოში არის მოცემულობა, რომ ისინი სამწუხაროდ, ენდობიან CRRC-ის. ამაზე შეხვედრაზე ბევრი საუბარი იყო. მათ წინაშე მოვიტანე უამრავი არგუმენტი და მოვისმინე მათი განმარტებებიც. ჩვენ სახეზე გვაქვს მოცემულობა, როდესაც "ქართული ოცნება" ამომრჩეველთა ნახევრის მხარდაჭერას მოიპოვებდა ხოლმე, მაშინ როდესაც რამდენიმე თვით ადრე CRRC-ის მიერ დადებული შედეგებით 15%-იანი მხარდაჭერა ჰქონდა.

ამიტომ CRRC ჩვენთვის ნდობის ეტალონი ვერ იქნება. შეხვედრაზეც იგივე დავაფიქსირეთ და შევთანხმდით, რომ ჩვენ მალევე მსგავსი საკითხების დეტალური განხილვა გვექნება. ისინი ამბობენ, რომ თუ ამ მიმართულებით ხარვეზებია, ამაზე ვიმსჯელოთ, თუნდაც ვიკამათოთ და გადაჭრის გზებზეც ვისაუბროთ,"- განაცხადა მდინარაძემ.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი