მამუკა მდინარაძე - მიხეილ სააკაშვილს საქართველოში დაბრუნების შემთხვევაში ერთადერთი შანსი აქვს - მოხვდეს აბსოლუტურად განსხვავებულ ციხეში, ვიდრე ჰქონდა მას

მიხეილ სააკაშვილს საქართველოში დაბრუნების შემთხვევაში ერთადერთი შანსი აქვს - მოხვდეს აბსოლუტურად განსხვავებულ ციხეში, ვიდრე ჰქონდა მას, - ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტების კითხვას, აქვს თუ არა მიხეილ სააკაშვილს ხელისუფლებაში დაბრუნების შანსი საქართველოში ჩამოსვლის შემთხვევაში. მდინარაძის თქმით, სააკაშვილი სასამართლოს სამივე ინსტანციის მიერ გამტყუნებული დამნაშავეა და შეუძლია, ჩამოსვლის შემთხვევაში, ციხეში ჩაჯდეს.

„სააკაშვილს საქართველოში დაბრუნების შემთხვევაში ერთადერთი შანსი აქვს - მოხვდეს აბსოლუტურად განსხვავებულ ციხეში, ვიდრე ჰქონდა მას. ციხეში არავინ შეზღუდავს მის უფლებებს, არავინ აწამებს. მისი, როგორც პატიმრის უფლებები ზედმიწევნით იქნება დაცული და ვერანაირ პრეტენზიას ვერ განაცხადებს, როდესაც ქართულ ციხეში მოხვდება. ის არის მსჯავრდებული, სასამართლოს სამივე ინსტანციის მიერ გამტყუნებული. შეუძლია ჩამოვიდეს და ჩაჯდეს ციხეში,"- განაცხადა მდინარაძემ.

მდინარაძე ასევე გამოეხმაურა ოპოზიციის წარმომადგენლებისა და ყოფილი პრეზიდენტის მიხეილ სააკაშვილის შეხვედრას. მამუკა მდინარაძის თქმით, ოპოზიცია ბოლოს მაინც „ნაციონალურ მოძრაობასთან" მიდის, იმის მიუხედავად, რომ მისგან დისტანცირებას ცდილობს.

„ბოლო წლების განმავლობაში ჩვენი ოპოზიციის უდიდესი ნაწილი „ნაციონალური მოძრაობისგან" დისტანცირებას ცდილობს, თუმცა წავლენ, წამოვლენ და მაინც იქ მიდიან ხოლმე ბოლოს. ამის დასტურია ის, რომ ისინი კვლავ მიხეილ სააკაშვილთან არიან, რომელმაც ორი დღის წინ აღიარა, რომ 20 ივნისს ხელისუფლების დამხობის მცდელობას მისი ხელმძღვნელობით ჰქონდა ადგილი,"- განაცხადა მდინარაძემ.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი