ლორა თორნტონი - ვიცით, რომ სახელისუფლებო გუნდს აქვს კითხვები - მინდა ხაზგასმით აღვნიშნო, რომ CRRC-საქართველო NDI-ის მხრიდან სრული ნდობით სარგებლობს

ჩვენ ვიცით, რომ სახელისუფლებო გუნდს აქვს გარკვეული კითხვები. მინდა ხაზგასმით აღვნიშნო, რომ CRRC-საქართველო NDI-ის მხრიდან სრული ნდობითა და მხარდაჭერით სარგებლობს, - ამის შესახებ NDI-ის საქართველოს ოფისის ხელმძღვანელმა ლორა თორნტონმა ჟურნალისტებთან საპარლამენტო უმრავლესობის ლიდერთან, მამუკა მდინარაძესთან შეხვედრის შემდეგ განაცხადა.

მისი თქმით, აღნიშნულ საკითხზე შეხვედრაზე იყო საუბარი. როგორც ლორა თორტონი აცხადებს, მათთვის ხელისუფლების წუხილის შესახებ ცნობილია, თუმცა, მათ კვლევებში ყოველთვის არის ძალიან ბევრი სხვა საკითხი, რომელიც გარემოს დაცვას, ჯანდაცვას, ეკონომიკას, გენდერს, ნატოსა და ევროკავშირის მხარდაჭერას ეხება და რომლის შედეგები ძალიან ადგებათ ხოლმე მათ შორის, პარლამენტშიც.

„ჩვენ გვქონდა ძალიან ღია, კონსტრუქციული და საინტერესო შეხვედრა, ძალიან ღიად და გულწრფელად ვისაუბრეთ ძალიან ბევრ საკითხზე, მათ შორის იმ კითხვებზე და წუხილზე, რომელიც ბატონ მამუკას ჰქონდა ჩვენს კვლევებთან დაკავშირებით. შევთანხმდით, რომ უფრო დეტალურად და სიღრმეებში განვაგრძობთ ამ საკითხებზე საუბარს, განხილვას მომავალში. ასევე ვისაუბრეთ იმ ზოგად სირთულეზე, შეცდომებსა თუ გაუგებრობებზე, რაც ხშირ შემთხვევაში ახლავს ხოლმე თან კვლევებს და კვლევების მეთოდოლოგიას. გავაცანით მათ ჩვენი ბოლო ფოკუს-ჯგუფის კვლევის ძალიან საინტერესო შედეგები. ჩვენ გავაგრძელებთ ბატონ მამუკასთან და მის გუნდთან ახლო თანამშრომლობას.

რაც შეეხება კვლევის შედეგების ნდობას თუ არ ნდობას, უფრო ნიუანსურია ეს საკითხი და დეტალური, ვიდრე ასე მარტივად ენდობა თუ არ ენდობა ადამიანი.

ჩვენ ვიცით, რომ სახელისუფლებო გუნდს აქვს გარკვეული კითხვები და წუხილები პოლიტიკურ საკითხებთან, მონაცემებთან დაკავშირებით. თუმცა, ჩვენს კვლევაში ყოველთვის არის ძალიან ბევრი სხვადასხვა საკითხი, რომელიც ეხება გარემოს დაცვას, ჯანდაცვას, ეკონომიკას, გენდერს, ნატოსა და ევროკავშირის მხარდაჭერას, რომლის შედეგები როგორც წესი არ იწვევს ეჭვს არავისში და ეს შედეგები ძალიან ადგებათ ჩვენს პარტნიორებს, ძალიან ადგებათ ხოლმე, მათ შორის, პარლამენტში.

ჩვენ ასევე ვისაუბრეთ ჩვენ კვლევით პარტნიორზე, CRRC-საქართველოზე და კიდევ ერთხელ მინდა ხაზგასმით აღვნიშნო, რომ CRRC-საქართველო NDI-ის მხრიდან სრული ნდობითა და მხარდაჭერით სარგებლობს“, - განაცხადა ლორა თორნტონმა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან