ძლიერი სმოგის გამო, სამხრეთ ევროპის ქვეყნებში ავტომობილების მოძრაობაზე შეზღუდვები დაწესდება. ამ ინფორმაციას BBC ავრცელებს.
გამოცემის ცნობით, სერბეთში, იტალიისა და ბოსნია და ჰერცეგოვინის ქალაქებში ჰაერის დაბინძურება საგანგაშო ნიშნულს მიუახლოვდა. სიტუაციის გამოსასწორებლად და დაბინძურების შესამცირებლად იტალიის რამდენიმე ქალაქმა დიზელზე მომუშავე ავტომობილების ექსპლუატაცია ნაწილობრივ აკრძალა, რაც სავარაუდოდ 3 წლის განმავლობაში იმოქმედებს.
ბოსნია და ჰერცეგოვინაში კი სმოგის გამო, საპროტესტო აქციები იმართება. დემონსტრანტები ხელისუფლებისგან საჭირო ზომების მიღებას ითხოვენ.