ავთანდილ წერეთლის ადვოკატი - სახალხო დამცველის მიერ გაცემული ძალიან კვალიფიციური დასკვნა მიუთითებს, რომ საქმეში არ არის „ფულის გათეთრების“ არც ერთი ნიშანი

სახალხო დამცველის მიერ გაცემული ძალიან კვალიფიციური დასკვნა მიუთითებს, რომ საქმეში არ არის „ფულის გათეთრების“ არც ერთი ნიშანი, - ამის შესახებ ბიზნესმენ ავთანდილ წერეთლის ადვოკატმა კახა წერეთელმა განაცხადა.

მისი თქმით, დღეს სასამართლო პროცესზე მოწმის სახით „თიბისი ბანკის“ იმ თანამშრომლებს ელიან, რომლებსაც 2008 წელს კრედიტის გაცემასთან ჰქონდათ შეხება.

„მოლოდინები ისევ იგივეა, მითუმეტეს, ჩვენს მოლოდინებს ამყარებს სახალხო დამცველის მიერ გაცემული ძალიან კვალიფიციური დასკვნა, რომელიც მიუთითებს, რომ არცერთი ნიშანი ფულის გათეთრების საქმეში არ არის. რაც შეეხება დღევანდელ დღეს, ველოდებით, რომ გამოცხადდებიან „თიბისი ბანკის“ ის თანამშრომლები, რომლებსაც 2008 წელს შეხება ჰქონდათ კრედიტის გაცემასთან. მათ მიერ არც გამოძიებისთვის მიცემულ ჩვენებაში არ არის საუბარი დანაშაულის ნიშნებზე და დღესაც მოლოდინი გვაქვს, რომ არაფერი მსგავსი არ იქნება“,- განაცხადა კახა წერეთელმა.

შეგახსენებთ, რომ დღეს მამუკა ხაზარაძის, ბადრი ჯაფარიძისა და ავთანდილ წერეთლის საქმეზე მორიგი სასამართლო პროცესი იმართება.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში