EMC-ის იურისტის გურამ იმნაძის განცხადებით, დეკანოზ გიორგი მამალაძის შეწყალების საქმეზე პოლიტიკური სარჩულის ნიშნები იკვეთება

„ადამიანის უფლებების სწავლებისა და მონიტორინგის ცენტრის" (EMC) იურისტის გურამ იმნაძის განცხადებით, დეკანოზ გიორგი მამალაძის შეწყალების საქმეზე პოლიტიკური სარჩულის ნიშნები იკვეთება.

როგორ იმნაძემ აღნიშნა, პრეზიდენტის დასაბუთება, თუ რატომ არ შეიწყალა დეკანოზი, აბსოლუტურად აცდენილი იყო საქმის ფაბულასა და ფაქტობრივ გარემოებებს.

„2019 წლის ბოლოს ჩვენ ვიცით, რომ პრეზიდენტმა შეიმუშავა შეწყალების ახალი წესები. სწორედ ამ ახალი პროცედურების საფუძველზე პრეზიდენტმა პირველად გამოიყენა შეწყალების უფლებამოსილება. თუმცა, ჩვენთვის კვლავაც ბუნდოვანია ის პირობები, თუ როგორ მიიღება გადაწყვეტილებები. მითუმეტეს, 2019 წლის განმავლობაში პრეზიდენტის მიერ ამ უფლებით სარგებლობა ხშირად უკავშირდებოდა სკანდალურ შემთხვევებს.

ქვეყანაში არ არსებობს მათ შორის შეწყალების კომისია, რა მექანიზმის გამოყენებით ხდება საქმეების შეფასება და ა.შ. ჩვენ ვიცით, რომ ძალიან დიდი მიმართვიანობაა შეწყალების თაობაზე და ამას სჭირდება ადმინისტრაციული რესურსი. ამ კუთხითაც საინტერესოა თუ როგორ ხდება საბოლოო ჯამში საქმეების შერჩევა, რომელზეც პრეზიდენტი იღებს გადაწყვეტილებას. ახალი წესები არ ითვალისწინებს შეწყალების კომისიის არსებობას. ეს არ არის აქსიომა რომ შეწყალების კომისია მონაწილეობდეს ამ პროცესში, თუმცა უნდა არსებობდეს გამჭვირვალე, ნათელი პროცედერები თუ ვინ იღებს შეწყალების თაობაზე გადაწყვეტილებას და ვინ აფასებს საქმის ფაქტობრივ გარემოებებს. ამ ახალი რეგულაციებით ყველაფერი მკაფიო და ნათელი არ არის", - განაცხადა იმნაძემ.

მისივე თქმით, შესაძლოა, პრეზიდენტის მიდგომა და პოლიტიკაა საგამონაკლისო წესით გამოიყენოს შეწყალების უფლებამოსილება, თუმცა, ეს რისკებს მაინც არ აზღვევს.

„მათ შორის შეწაყალებაზე უარის თქმის საკითხიც უნდა იყოს მაღალ დონეზე მოწესრიგებული. სწორედ ამ კუთხით არსებობს გამოწვევები“,- განაცხადა იმნაძემ.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო