საქართველოს პარლამენტის თავმჯდომარის, არჩილ თალაკვაძის განცხადებით, პოლიტიკური დიალოგის შემდეგი რაუნდი სავარაუდოდ იანვრის ბოლომდე ჩატარდება. ამის შესახებ პარლამენტის თავმჯდომარემ ბიუროს სხდომაზე განაცხადა.
თალაკვაძე იმედოვნებს, რომ მმართველი გუნდი და ოპოზიცია საერთო შეთანხმების მოძებნას შეძლებს.
„იმედი მაქვს, პოლიტიკური დიალოგის შემდეგი რაუნდი, რომელიც სავარაუდოდ, იანვრის ბოლომდე ჩატარდება, იქნება კიდევ უფრო კონსტრუქციული. ჩვენ შევძლებთ გარკვეული საერთო შეთანხმების მოძებნას და ქვეყანა უკვე ნორმალურ რეჟიმში დაიწყება მომზადებას 2020 წლის საპარლამენტო არჩევნებისთვის“, - განაცხადა თალაკვაძემ.