იმ ადამიანთა რიცხვი, რომლებიც ყველაფერს გააკეთებენ ივანიშვილისთვის შეზღუდულია და სრულიად ოდიოზური, შერცხვენილი ფიგურების დაბრუნება უწევთ, - ამის შესახებ „ევროპული საქართველოს“ წევრმა სერგო რატიანმა ჟურნალისტებს გენერალური პროკურორის ვაკანტურ თანამდებობაზე ირაკლი შოთაძის კანდიდატურის წარდგენასთან დაკავშირებით განუცხადა.
რატიანის თქმით, შოთაძის დაბრუნება პროკურატურაში არის შეურაცხყოფა, რომელსაც საზოგადოებას მმართველი პარტია და პირადად ბიძინა ივანიშვილი აყენებს.
„შოთაძე პირადად იყო პასუხისმგებელი იმ აბსურდულ, დანაშაულებრივ ვერსიასთან რომელიც შეიმუშავა პროკურატურამ ხორავას ქუჩის ტრაგედიასთან დაკავშირებით, როდესაც პროკუროროები პირდაპირ ხელს აფარებდნენ მკვლელებს. ამასთან დაკავშირებით იყო საზოგადოების შეშფოთება და ივანიშვილს მოუწია მისი თანამდებობიდან გადაყენება. შოთაძის დაბრუნება პროკურატურაში არის საზოგადოების შეურაცხყოფა, რომელსაც აყენებს საზოგადოებას მმართველი პარტია და პირადად ბიძინა ივანიშვილი, მაგრამ მიუთითებს კიდევ ერთ ფაქტორზე, რომ იმ ადამიანთა რიცხვი, რომლებიც ყველაფერს გააკეთებენ ივანიშვილისთვის არის შეზღუდული და უწეევს სრულიად ოდიოზური, შერცხვენილი ფიგურების დაბრუნება“ - განაცხადა სერგო რატიანმა.