რიგგარეშე პლენარულ სხდომაზე, ნიკა მელიას ადგილმონაცვლის, ბადრი ბასიშვილის უფლებამოსილების ცნობაზე იმსჯელებენ

პარლამენტის რიგგარეშე პლენარულ სხდომაზე, დღეს ნიკა მელიას ადგილმონაცვლის ბადრი ბასიშვილის უფლებამოსილების ცნობაზე იმსჯელებენ. აღსანიშნავია, რომ „ნაციონალური მოძრაობა“ პარლამენტის საქმიანობას კვლავ ბოიკოტს უცხადებს და დღევანდელ სხდომაზე დასწრებას არ აპირებს. როგორც ბიუროს სხდომაზე პარლამენტის თავმჯდომარე არჩილ თალაკვაძემ განაცხადა, „ნაციონალური მოძრაობა“ უარს ამბობს, მის მიერვე ნომინირებული კანდიდატის მხარდაჭერაში მონაწილეობა მიიღოს.

„საპარლამენტო ფრაქცია „ნაციონალური მოძრაობა“ მოგვმართავს, რომ რიგგარეშე სხდომაზე, სადაც განიხილება მათი პარტიული სიით ადგილმონაცვლის დამტკიცების საკითხი, არ ესწრებიან სხდომას. ისინი თავადვე აცხადებენ უარს, რომ თავიანთი პარტიული სიით ნომინირებული კანდიდატის განხილვასა და დამტკიცებაში, ანუ მის მხარდაჭერაში მონაწილეობა მიიღონ,“ - განაცხადა არჩილ თალაკვაძემ.

„ნაციონალური მოძრაობის“ ერთ-ერთ ლიდერს ნიკა მელიას სადეპუტატო უფლებამოსილება 2019 წლის 12 დეკემბერს შეუწყდა. ნიკა მელიასთვის პარლამენტის წევრის უფლებამოსილების შეწყვეტას მხარი 88-მა დეპუტატმა დაუჭირა, საკითხს მოწინააღმდეგე არ ჰყავდა. პარლამენტმა მელიასთვის დეპუტატის უფლებამოსილების შეწყვეტის საკითხი დღის წესრიგში მას შემდეგ დააყენა, რაც ბანკი „ქართუს“ გაკოტრების საქმეზე, სამსახურეობრივი უფლებამოსილების ბოროტად გამოყენების ნაწილში მის მიმართ გამამტყუნებელი განაჩენი იქნა მიღებული. ნიკა მელიას 25 000 - ლარიანი ჯარიმა დაეკისრა. ასევე დამატებით სასჯელად 2 წლით და 3 თვის ვადით თანამდებობის დაკავების უფლება ჩამოერთვა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა