საქართველოს პრემიერ-მინისტრი გიორგი გახარია თურქულ მედიაში გავრცელებულ ინფორმაციას ეხმაურება, რომლის თანახმადაც, ქართული მხარე უარს აცხადებს, კრიმინალური ავტორიტეტი მინდია ლავასოღლი მიიღოს.
„არ ვიცი რა მდგომარეობაა ექსტრადირებასთან დაკავშირებით, თუ ასეთი სამართლებრივი საფუძვლები არსებობს, მოხდება ექსტრადირება საქართველოს მოთხოვნით“,-აცხადებს გახარია.
შეგახსენებთ, თურქული მედიის ინფორმაციით, თურქეთი ცდილობს საქართველოში ქართველი კრიმინალური ავტორიტეტის, მინდია ლავასოღლის ექსტრადაცია მოახდინოს, რაზეც თბილისი უარს აცხადებს. მათივე ინფორმაციით, ესტრადაციის ვადა თებერვალში იწურება და თუ საქართველო კვლავ უარს იტყვის ლავასოღლის მიღებაზე, ანკარას მისი გათავისუფლება მოუწევს.