ლევან კობერიძე - როცა შოთაძის გადადგომა გადაწყვიტეს, უმრავლესობის წევრები ერთმანეთს ასწრებდნენ კომენტარებში, კი უნდა გადადგესო, ახლა გვიმტკიცებენ, უნდა დაბრუნდესო

შოთაძის გადადგომის შესახებ როცა უკვე გადაწყვეტილება იყო მიღებული, ერთმანეთს ასწრებდნენ კომენტარებში - კი, უნდა გადადგეს შოთაძეო. დღეს გვიმტკიცებენ, რომ უნდა დაბრუნდეს,- ამის შესახებ ფრაქცია „დამოუკიდებელი დეპუტატების“ წევრმა ლევან კობერიძემ ჟურნალისტებს გენერალური პროკურორის ვაკანტურ თანამდებობაზე ირაკლი შოთაძის კანდიდატურის წარდგენის თაობაზე უმრავლესობის წევრების პოზიციის კომენტირებისას განაცხადა. ლევან კობერიძე აღნიშნავს, რომ ირაკლი შოთაძის პროკურატურაში დაბრუნება ბიძინა ივანიშვილის გადაწყვეტილებაა.

"შოთაძის კანდიდატურის ხელმეორედ წარდგენა გენერალური პროკურორის თანამდებობაზე არის ქვეყნის და მოქალაქეების შეურაცხყოფა. ეს რომ ბიძინა ივანიშვილის გადაწყვეტილებაა, ეს ცხადია, უბრალოდ, ამ შემთხვევაში ის ეფარება ტექნიკური უნივერსიტეტის და უმრავლესობის ინიციატივას და მხარდაჭერას, თვითონ კი სურს, რომ ამ თემიდან იყოს დისტანცირებული. ამ დროს, ყველამ კარგად ვიცით, რომ როცა შოთაძე იყო გადაყენებული სარალიძის საქმესთან დაკავშირებით, რომელიც დღემდე არ არის გამოძიებული და მაშინ უმრავლესობის წევრები, როცა საბოლოოდ გადაწყვეტილება იყო მიღებული მისი გადადგომის შესახებ, ერთმანეთს ასწრებდნენ კომენტარებში, რომ კი, უნდა გადადგეს შოთაძეო.დღეს გვიმტკიცებენ, რომ ის არის ღირსეული და უნდა დაბრუნდეს. ეს არის ივანიშვილის დავალება, რომლის შესრულებაც ასეთი ფორმებით უწევს უკრავლესობას,"- განაცხადა ლევან კობერიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა