„გაბედეს“ წევრებმა ტექნიკურ უნივერსიტეტთან ირაკლი შოთაძის გენპროკურორად წარდგენა გააპროტესტეს, აქციის შემდეგ კი აღნიშნულ საკითხზე სასაუბროდ უნივერსიტეტის რექტორს შეხვდნენ

ტექნიკური უნივერსიტეტის მე-6 კორპუსთან სამოქალაქო მოძრაობამ „გაბედე" საპოტესტო აქცია გამართა. აქციის შემდეგ ისინი უნივერსიტეტის რექტორს, არჩილ ფრანგიშვილს შეხვდნენ და გენერალური პროკურორის ვაკანტურ თანამდებობაზე, ყოფილი გენპროკურორის ირაკლი შოთაძის კანდიდატურის წარდგენაზე ისაუბრეს.

როგორც მოძრაობა „გაბედეს" წევრმა მიხეილ ქუმსიშვილმა განაცხადა, უნივერსიტეტის რექტორს არგუმენტები არ ჰქონდა იმასთან დაკავშირებით, თუ რატომ წარადგინა ტექნიკურმა უნივერსიტეტმა შოთაძის კანდიდატურა, გარდა იმისა, რომ ის პატიოსანი სულის ადამიანია.

„მხოლოდ ის იყო არგუმენტი, რომ ეს ადამიანი არის პატიოსანი და სუფთა სულის პატრონი. ის, რომ საპარლამენტო, საგამოძიებო კომისიის დასკვნაში პირდაპირ ჩანს და პირდაპირ იკვეთება მისი სისხლის სამართლის ბრალეულობა, თუ როგორ ფარავდა იგი დანაშაულს, როგორ ანადგურებდა მტკიცებულებებს, როგორ აფარებდა ხელს პროკურატურის მაღალი თანამდებობის პირებს. ტექნიკურმა უნივერსიტეტმა პირდაპირ მტკიცებულებების გამყალბებელი ადამიანი წარადგინა კანდიდატად და რექტორი მხოლოდ და მხოლოდ იმის გამო ასახელებს მას ამ კანდიდატურაზე, რომ ის არის პატიოსანი ადამიანი, როდესაც ყველანაირი საბუთი, წარსულში შოთაძის მოქმედებები აბსოლუტურად საპირისპიროზე მეტყველებს. როდესაც ჩვენ ვუთხარით რექტორს, რომ ის სამწუხაროდ არის პოლიტიკურად მართული და მას არ ეკითხებიან რეალურად ვინ უნდა დაინიშნოს პროკურორად და იგი უბრალოდ არის გამოყენებული ინსტრუმენტად ამ შემთხვევაში, მან მოთმინება დაკარგა და დაიწყო ყვირილი“, - განაცხადა „გაბედეს" წევრმა მიხეილ ქუმსიშვილმა.

თავის მხრივ უნივერსიტეტის რექტორმა, არჩილ ფრანგიშვილმა განმარტა, რომ შოთაძე კომპეტენტური კადრია და მას აქვს უფლება მიიღოს მონაწილეობა ყველა ტიპის არჩევნებში, მათ შორის გენერალური პროკურორის თანამდებობაზე.

„ირაკლი შოთაძე საქართველოს ტექნიკური უნივერსიტეტის ასოცირებული პროფესორია. შოთაძე არის მაღალი კვალიფიკაციის მქონე ადამიანი, რომელსაც აქვს კომპეტენცია ასწავლოს ახალგაზრდებს და როცა ჩვენ ამას ვადასტურებთ, ეს უკვე ყველა ბარიერს ხსნის. რადგან ადამიანს ჩვენ ვუშვებთ ახალგაზრდასთან, რა თქმა უნდა, ჩვენ ვთვლით, რომ მას აქვს უფლება მიიღოს მონაწილეობა ყველა ტიპის არჩევნებში, მათ შორის გენერალური პროკურორის თანამდებობაზე“, - განაცხადა არჩილ ფრანგიშვილმა.

შეგახსენებთ, რომ საქართველოს ტექნიკური უნივერსიტეტის აკადემიურმა საბჭომ გენერალური პროკურორის ვაკანტურ თანამდებობაზე, ყოფილი გენპროკურორი ირაკლი შოთაძე გუშინ წარადგინა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა