მალდოვებმა შესაძლოა, კუნძულები დაკარგოს იმ შემთხვევაში, თუ დროულად არ ექნებათ წვდომა დაფინანსებასთან, რომ გავლენა მოახდინონ კლიმატის ცვლილებებზე, - ამის შესახებ რესპუბლიკის საგარეო საქმეთა მინისტრმა განაცხადა.
„პატარა ქვეყნებისთვის ეს ადვილი არაა. მანამ, ვიდრე დაფინანსებას მოვიპოვებთ, შესაძლოა, ყველა წყლის ქვეშ აღმოვჩნდეთ“, - განუცხადა ადბულა შაჰიდმა „როიტერსს“.
მალდივის კუნძულების 80% ზღვის დონიდან დაახლოებით ერთ მეტრზეა, რაც რესპუბლიკის 530 000-იან მოსახლეობას კლიმატური ცვლილებებისადმი უფრო მოწყვლადს აქცევს.
„როიტერსის“ ინფორმაციით, რესპუბლიკის მთავრობა წლებია დაფინანსების მოპოვებას ცდილობს, რათა აწეულ ზღვის დონეს მომზადებულად შეხვდეს, მათ შორის ააშენოს ისეთი ინფრასტრუქტურა, როგორიცაა „ზღვის კედლები“.
ცნობისთვის, რამდენიმე წლის წინ, რესპუბლიკის პრეზიდენტმა მთავრობის შეხვედრა წყლის ქვეშ გამართა, სადაც მთავრობის წევრები აკვალანგებით მაგიდასთან ისხდნენ. ამ გზით, პრეზიდენტი ცდილობდა კლიმატის ცვლილებებისთვის საერთაშორისო საზოგადოების ყურადღება მიეპყრო.