მამუკა მდინარაძე - გიორგი გახარიას არაფერი დაუდასტურებია ირიბად - იმ ადამიანმა გაგცათ პასუხი, რომ ბოლო სერიაში ნახავთ, რომ ეს ასე არ იქნება

მუდმივად არავინ არ არის თანამდებობაზე. ოდესღაც არც მე ვიქნები უმრავლესობის ლიდერი, არც გახარია იქნება პრემიერ-მინისტრი, - ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტების კითხვას, შესაძლოა თუ არა, რომ პრემიერ-მინისტრის პოსტზე გიორგი გახარია ბიძინა ივანიშვილმა შეცვალოს. მდინარაძის განმარტებით, გახარიას განცხადება - „დაელოდეთ ფინალურ სერიას“ - არ ნიშნავს, რომ სამთავრობო ცვლილებები იგეგმება. მისივე თქმით, ეს საკითხი დღის წესრიგში ახლა არ დგას.

გიორგი გახარიას არაფერი არ დაუდასტურებია ირიბად. იმ ადამიანმა გაგცათ პასუხი, რომ ბოლო სერიაში ნახავთ, რომ ეს ასე არ იქნება. მუდმივად არავინ არ არის თანამდებობაზე. ოდესღაც არც მე ვიქნები უმრავლესობის ლიდერი, არც გახარია იქნება პრემიერ-მინისტრი. დადგება ასეთი დრო, მაგრამ დღეს ეს საკითხი დღის წესრიგში არ დგას. შემიძლია გითხრათ, რომ ასეთი საკითხები მხოლოდ მედიის მხრიდან ისმება,“ - განაცხადა მდინარაძემ.

შეგახსენებთ, რომ პრემიერ-მინისტრი გიორგი გახარია დღეს მედიაში საკადრო ცვლილებებთან დაკავშირებით გავრცელებულ ინფორმაციას გამოეხმაურა. „ისე დაჟინებით მეკითხებით, მაინცდამაინც გინდათ, რომ „დაგასპოილეროთ“? დაელოდეთ ფინალურ სერიას“, - განუცხადა ჟურნალისტებს გახარიამ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა