მამუკა მდინარაძე - სწორედ ირაკლი შოთაძის მსგავსი ადამიანი სჭირდება პროკურატურას, რომ კიდევ უფრო განვითარდეს

სწორედ ირაკლი შოთაძის მსგავსი ადამიანი სჭირდება საქართველოს პროკურატურას, რომ კიდევ უფრო განვითარდეს, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა, რითაც გამოეხმაურა გენერალური პროკურორობის ერთ-ერთ კანდიდატად ირაკლი შოთაძის წარდგენას. მისი თქმით, არ არსებობს საფუძველი, რომ შოთაძემ ამ კონკურსში მონაწილეობა არ მიიღოს.

„იმ დროს, როდესაც კრიტიკული მომენტი და კითხვები იყო, ირაკლი შოთაძემ ღირსეული გადაწყვეტილება მიიღო. დღეს ეს კითხვები აღარ არის. შესაბამისად, არანაირი საფუძველი არ არსებობს, რომ მან მონაწილეობა არ მიიღოს ამ კონკურსში. იმ შემთხვევაში, თუ მის კანდიდატურას საპროკურორო საბჭო წარმოადგენს, ჩვენ მას მხარს დავუჭერთ. ის იმსახურებს იყოს იმ პოზიციაზე და იმედიც გვაქვს, რომ ღირსეულად გააგრძელებს საქმიანობას. სწორედ ასეთი ადამიანი სჭირდება საქართველოს პროკურატურას, რომ კიდევ უფრო განვითარდეს,“ - განაცხადა მდინარაძემ.

ცნობისთვის, გენპროკურორობიდან გადამდგარი ირაკლი შოთაძე გენერალური პროკურორის ვაკანტურ თანამდებობაზე წარადგინეს. იურისტ ირაკლი შოთაძის კანდიდატურა საპროკურორო საბჭოს საჯარო სამართლის იურიდიულმა პირმა საქართველოს ტექნიკურმა უნივერსიტეტმა წარუდგინა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს