გიგი წერეთელმა ვენაში,  ეუთო-ს მუდმივმოქმედ საბჭოს  სიტყვით მიმართა

ავსტრიის დედაქალაქში ეუთო-ს მუდმივმოქმედი საბჭოს სხდომა გაიმართა, რომელსაც ეუთო-ს ხელმძღვანელობა და 57 წევრი სახელმწიფის ელჩები ესწრებოდნენ.

როგორც „ინტერპრესნიუსს“ საქრათველოს პარლამენტიდან აცნობეს, სხდომაზე მომხსენებლად ეუთო-ს საპარლამენტო ასამბლეის პრეზიდენტი, საქართველოს პარლამენტის წევრი, გიგი წერეთელი იყო მიწვეული. მან ეუთო-ს რეგიონში არსებულ უსაფრთხოების გამოწვევებზე, კონფლიქტებსა და მათი მოგვარების პროცესში ეროვნული პარლამენტების როლსა და მნიშვნელობაზე ისაუბრა. მისი განცხადებით, ეუთო-ს სივრცე კვლავ განიცდის მნიშვნელოვან რყევებს, როგორც პოლიტიკური საკითხების, ასევე უსაფრთხოებისა და ადამიანის უფლებების მიმართულებით, ამიტომ პრობლემების გადაწყვეტის ერთადერთ გზას მრავალმხრივი ურთიერთობის ფორმატების განმტკიცება და უმთავრესი საერთაშორისო პრინციპების დაცვა წარმოადგენს.

სიტყვით გამოსვლისას გიგი წერეთელმა საპარლამენტო ასამბლეის სამუშაო პრიორიტეტებზე და მიმდინარე პროექტებზე ისაუბრა. საბჭოს წევრებს დეტალურად გააცნო მისი, როგორც პრეზიდენტისა და ორგანიზაციის აქტივობები რეგიონალური უსაფრთხოების, ტერორიზმის და მიგრაციის, კლიმატის ცვლილების, ანტიკორუფციული, საარჩევნო მონიტორინგის, სამოქალაქო თავისუფლებების და საერთაშორისო პარტნიორობის კუთხით. განსაკუთრებული ყურადღება კონფლიქტურ რეგიონებში მიმდინარე პროცესებზე დაეთმო.

„მინდა მივესალმო უკრაინასა და რუსეთს შორის ბოლო პერიოდში უმაღლესი დონის მოლაპარაკებების დაწყებას. ტყვეების გაცვლა, ხიდების აღდგენა, საკონტროლო-გამშვები დამატებითი პუნქტების გახსნა უკეთესი მომავლის იმედს აჩენს. სამწუხაროა, რომ მსგავსი ცვლილებები არ შეინიშნება საქართველო-რუსეთის კონფლიქტის მიმართ და საქართველოში კვლავაც გრძელდება უკანონო ბორდერიზაცია და ჰუმანიტარული კრიზისი, რაც საერთაშორისო სამართლის და ეუთო-ს ნორმების უხეშ დარღვევას წარმოადგენს. ოკუპირებულ ტერიტორიებზე მცხოვრები მოსახლეობისთვის კი კვლავაც გაუსაძლის პირობებია შექმნილი. აქვე მინდა მადლობა გადაუხადო საერთაშორისო საზოგადოებას და ეუთო-ს წევრ სახელმწიფოებს ექიმი ვაჟა გაფრინდაშვილის უკანონო პატიმრობიდან გათავისუფლების საქმეში შეტანილი წვლილისთვის“, - განაცხადა გიგი წერეთელმა.

გამოსვლასთან დაკავშირებით ოფიციალური განცხადებები გააკეთეს ევროკავშირის, აშშ, უკრაინის, რუსეთის, უზბეკეთის, აზერბაიჯანის, ალბანეთის სომხეთის, თურქეთის, საქართველოს ელჩებმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა