პრეზიდენტმა ჩიჩილაკისა და „კალანდას“  შესახებ ინიციატივა კულტურული მემკვიდრეობის დაცვის ეროვნული სააგენტოს გენერალურ დირექტორთან განიხილა

საქართველოს პრეზიდენტმა სალომე ზურაბიშვილმა საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორთან ნიკოლოზ ანთიძესთან შეხვედრაზე ჩიჩილაკისა და "კალანდას" შესახებ პრეზიდენტის ინიციატივები განიხილა. ამის შესახებ ინფორმაციას სალომე ზურაბიშვილი თავის „ფეისბუქ“ გვერდზე ავრცელებს.

„საქართველოს კულტურული მემკვიდრეობის დაცვის ეროვნული სააგენტოს გენერალურ დირექტორთან, ნიკოლოზ ანთიძესთან შეხვედრაზე, ჩიჩილაკისა და "კალანდას" შესახებ, ჩემს ინიციატივებზე ვისაუბრეთ“,-წერს სალომე ზურაბიშვილი სოციალურ ქსელში.

ნიკოლოზ ანთიძის განცხადებით, პრეზიდენტის ინიციატივა ძალიან მნიშვნელოვანია ქვეყნის იდენტობის წარმოჩენისთვის.

„შევხვდით საქართველოს პრეზიდენტს, მისი ინიციატივის შემდგომში განვითარების მიზნით, რომელიც ეხება გურიაში კალანდობას და ჩიჩილაკის მომზადების წესის არამატერიალურ კულტურულ მემკვიდრეობაში წარსადგენად. დეტალებში გავიარეთ საკითხი, თუ როგორ უნდა მომზადდეს და ჩვენ უკვე დავიწყეთ ამაზე ზრუნვა. ძალიან კარგი ინიციატივაა, ჩვენი იდენტობის კიდევ ერთხელ წარმოსაჩენად.

ასევე, გავაცანით წლევანდელ წელზე დაგეგმილი სამუშაოების პროცესი, თუ რა იგეგმება როგორც ეროვნულ, ასევე საერთაშორისო დონეზე. პრეზიენტმა გამოთქვა სურვილი, რომ მუდმივად იყოს ჩართული პროცესებში და აღგვითქვა დახმარება ისეთ გადაწყვეტილებებზე, რაც ძალიან მნიშვნელოვანია, ქვეყნისთვის საერთაშორისო ასპატრეზზე მუდმივად იქნება სახელმწიფოს და სააგენტოს მხარდამჭერი, რომ პროცესები უფრო სწორედ და სწრაფად წარიმართოს”, - განაცხადა ნიკოლოზ ანთაძემ.

ცნობისთვის, შესაბამისი ინიციატივით პრეზიდენტი რამდენიმე დღის წინ, გურიაში სტუმრობისას გამოვიდა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)