ევროკავშირი თურქეთს დახმარებას 75 პროცენტით უმცირებს

ევროკავშირი თურქეთს გაწევრიანებისთვის მოსამზადებელი დახმარების თანხას 75 პროცენტით უმცირებს, - ამის შესახებ ინფორმაციას „დოიჩე ველე“ გერმანულ მედია სახლ Funke Mediengruppe-ზე დაყრდნობით ავრცელებს.

მათივე ინფორმაციით, ევროკავშირის უმაღლესმა წარმომადგენელმა საგარეო საკითხებში ჯოზეფ ბორელმა ევროპარლამენტს წერილი გაუგზავნა, სადაც აღნიშნულია, რომ თურქეთს დახმარება სირიაში განხორციელებული სამხედრო ოპერაციისა და კვიპროსში გაზის მოპოვების მიზნით უკანონო ბურღვითი სამუშაოების გამო უმცირდება.

ბორელი აღნიშნავს, რომ ქვეყანა გაწევრიანებისთვის მოსამზადებელი დახმარების სახით მხოლოდ 168 მილიონ ევროს მიიღებს, საიდანაც 150 მილიონი ევრო დემოკრატიისა და კანონის უზენაესობის გაძლიერებას მოხმარდება.

აღსანიშნავია, რომ შემცირება არ შეეხება 3.5 მილიარდ ევროს, რომელიც თურქეთმა ევროკავშირთან მიღწეული შეთანხმების ფარგლებში უნდა მიიღოს და რომლის სანაცვლოდან მან საკუთარი ტერიტორიიდან ევროპის მიმართულებით ლტოლვილთა უკანონო შედინება უნდა შეაჩეროს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა