ამერიკის შეერთებულ შტატებში, იუტას შტატში სროლის შედეგად ოთხი ადამიანი დაიღუპა, ხოლო ერთი მძიმედ დაიჭრა. ინფორმაციას CNN ავრცელებს.
გამოცემის ცნობით, სროლა ქალაქ გრენთსვილის ერთ-ერთ საცხოვრებელ სახლში მოხდა. პოლიციის ინფორმაციით, პირი, რომელმაც თავდასხმა განახორციელა, უკვე დაკავებულია.
საქმის მოტივისა და გარემოებების დასადგენად მიმდინარეობს გამოძიება.