საქართველოს გარემოს დაცვისა და სოფლის მეურნეობის სამინისტროს თანამშრომლებს „დარგობრივი ინგლისური გარემოსდაცვასა და სოფლის მეურნეობაში” სასერთიფიკატო კურსი ჩაუტარდათ. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.
მათივე ინფორმაციით, აღნიშნული კურსი საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ გაეროს სურსათისა და სოფლის მეურნეობის ორგანიზაციის (FAO) დაფინანსებითა და საზოგადოებრივ საქმეთა ინსტიტუტთან (GIPA) თანამშრომლობით ჩატარდა.
უწყების ცნობით, კურსი ინტეგრირებული იყო, როგორც თეორიული ისე პრაქტიკული დავალებებით და მოიცავდა გარემოსდაცვით და სოფლის მეურნეობის საკითხებს. ლექციებს ჯიპას პროფესორები და მოწვეული უცოხელი და ქართველი ტრენერები კითხულობდნენ.