დიდი ბრიტანეთი „ბრექსითისთვის“ ემზადება. 31 იანვარს ბრიტანელები ევროკავშირიდან გასვლას დაუნინგ სთრითზე შეხვდებიან, სადაც წამზომი ბოლო დარჩენილ წამებს დაითვლის. იგეგმება სპეციალური განათების შოუს მოწყობა. პრემიერ-მინისტრი ბორის ჯონსონი მოსახლეობას მიმართავს.

„31 იანვარი მნიშვნელოვანი მომენტია ჩვენი ისტორიისთვის, რადგანაც დიდი ბრიტანეთი ტოვებს ევროკავშირს და იბრუნებს დამოუკიდებლობას“, - აცხადებენ ჯონსონის ოფისში.

„ბრექსითის“ დღესთან დაკავშირებით, მიმოქცევაში სპეციალური მონეტაც ჩაეშვება წარწერით „მშვიდობა, კეთილდღეობა და მეგობრობა ყველა ერს“.

ცნობისთვის, დიდი ბრიტანეთი ევროკავშირს 2020 წლის 31 იანვარს ტოვებს.