სერგი კაპანაძე - განცხადებები, რომელიც რამდენიმე თვეა კონგრესში კეთდება, უნდა იყოს სერიოზული, შემაშფოთებელი განგაშის ზარი ხელისუფლებისთვის

განცხადებები, რომელიც რამდენიმე თვეა კონგრესში კეთდება, უნდა იყოს სერიოზული შემაშფოთებელი განგაშის ზარი ხელისუფლებისთვის, - ამის შესახებ „ევროპული საქართველოს“ წევრმა სერგი კაპანაძემ ჟურნალისტებს განუცხადა.

სერგი კაპანაძე იმედს გამოთქვამს, რომ „ივანიშვილის გარემოცვას ეყოფა საღი აზრი იმისთვის, რომ ქვეყანა პოლიტიკური კრიზისიდან გამოიყვანოს“.

„კონგრესმენ მალინის ღია წერილი პრემიერ-მინისტრ გახარიაზე არის კიდევ ერთი ძალიან ნათელი დადასტურება იმისა, რომ აშშ-ში ძალიან შეშფოთებული არიან იმ პროცესებით, რომელიც საქართველოში მიმდინარეობს. ეს წერილები და განცხადებები არ წყდება და ის მოდის არა მარტო ჩვენი ევროპელი, არამედ ამერიკელი პარტნიორებისგან. ეს უნდა იყოს კარგი გამოსაფხიზლებელი ზარი ხელისუფლებისთვის, მას რომ ოდნავ საღი აზრი მაინც ჰქონდეს შერჩენილი.

უკვე ყველასთვის ნათელია, რომ ქვეყანაში მიმდინარეობს პოლიტიკური ოპონენტების დევნა, არის ეკონომიკური კრიზისი და უგულებელყოფა დემოკრატიული ინსტიტუტების. ჩვენი პარტნიორები ამით შეშფოთებულნი არიან. თუკი, ოდნავ მაინც საღი აზრი აქვთ დარჩენილი ივანიშვილის გარემოცვაში, ეს უნდა გაითვალისწინონ და გამოიყვანონ ქვეყანა კრიზისიდან. ეს განცხადებები, რომელიც რამდენიმე თვეა კეთდება კონგრესში, უნდა იყოს სერიოზული შემაშფოთებელი განგაშის ზარი ხელისუფლებისთვის და მათ უნდა გაითვალისწინონ ის რეკომენდაციები, რის ირგვლივაც არის წუხილი გამოთქმული კონგრესმენების შეფასებებში. ამას თუ არ იზამენ, ბუნებრივია, ამით კიდევ უფრო გააღრმავებენ თავის თავის იზოლაციას და კიდევ უფრო გაირთულებენ ვითარებას. ჯამში თუ რით მთავრდება იზოლაცია კარგად ნახეთ მოლდოვას მაგალითზე, როცა ყოფილი მმართველი არაფორმალური მოხვდა სანქციების ქვეშ. იმედი გვაქვს, რომ ეს არ მოხდება ჩვენს შემთხვევაში და ივანიშვილის გარშემო მყოფ ადამიანებს საღი აზრი ეყოფათ მწვავე პოლიტიკური კრიზისიდან გამოიყვანონ ქვეყანა“, - განაცხადა სერგი კაპანაძემ.

ცნობისთვის, კონგრესმენმა მარკუეინ მალინმა პრემიერ-მინისტრ გიორგი გახარიას ღია წერილი გამოუგზავნა, სადაც საქართველოს ხელისუფლებას აკრიტიკებს და აღნიშნავს, რომ პორპორციული სისტემის ჩაგდების გამო, მისი კოლეგების მოსაზრებებს უერთდება.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი