თეირანთან ახლოს თვითმფრინავის ჩამოგდების დროს დაღუპულ უკრაინელთა ცხედრები სამშობლოში გადაასვენეს. სამგლოვიარო ცერემონია კიევში, ბორისპოლის აეროპორტში გაიმართა, სადაც დაღუპულთა ოჯახის წევრებთან ერთად უკრაინის პრეზიდენტი ვლადიმერ ზელენსკიც იმყოფებოდა.

შეგახსენებთ, რომ თეირანთან ახლოს უკრაინული ავიახაზების კუთვნილი თვითმფრინავი 8 იანვარს ჩამოვარდა, რასაც 176 მგზავრის სიცოცხლე ემსხვერპლა. მათ შორის 11 უკრაინის მოქალაქე იყო. ბოინგის ჩამოგდებაზე პასუხისმგებლობა ირანის რევოლუციურმა გვარდიამ 11 იანვარს აიღო. მათ აღიარეს, რომ უკრაინული სამგზავრო თვითმფრინავის კატასტროფის მიზეზი ადამიანური გადაცდომა გახდა.