არასდროს მინახავს რესპუბლიკური პარტია ისეთი ძლიერი, როგორც ახლა,-ამის შესახებ აშშ-ს პრეზიდენტმა დონალდ ტრამპმა სოციალურ ქსელ "ტვიტერში" დაწერა.

"მე არასოდეს მინახავს რესპუბლიკური პარტია ისეთი ძლიერი და ერთიანი, როგორც ახლა. დიდი მადლობა",-წერს ტრამპი "ტვიტერზე".

შეგახსენებთ, რომ დემოკრატიული პარტია დონალდ ტრამპის იმპიჩმენტს ითხოვს. იმპიჩმენტის საკითხი ახლა ამერიკის სენატშია გადაცემული.

დონალდ ტრამპის იმპიჩმენტის პროცესი, მის მიერ უკრაინის პრეზიდენტ ვლადიმირ ზელენსკისთან განხორციელებული სატელეფონო ზარის გამო დაიწყო.როგორც ცნობილი გახდა, ამერიკის პრეზიდენტი თავის უკრაინელ კოლეგას მისი პოლიტიკური მეტოქის, ჯო ბაიდენისა და მისი შვილის, ჰანთერ ბაიდენის წინააღმდეგ გამოძიების დაწყებას სთხოვდა. აშშ-ის წარმომადგენელთა პალატამ ტრამპის იმპიჩმენტი უკვე დაამტკიცა.