22 იანვარს, საჯარო ბიბლიოთეკის საგამოფენო დარბაზში, ოპერატორ ბექა მშვილდაძის ნამუშევრების გამოფენა-გაყიდვა „კადრს მიღმა“ გაიმართება.
როგორც „ინტერპრესნიუსს“ ბექა მშვილდაძემ განუცხადა, გამოფენა საქველმოქმედო ხასიათის იქნება. მისივე თქმით, მიღებული თანხა გადაირიცხება ჟურანლისტ ბექა პატურაშვილის შვილის, ალექსის დასახმარებლად.
საგამოფენო დარბაზში ასევე წარმოდგენილი იქნება ნინო ჯიქიას, რეზი ცირეკიძისა და არჩილ ვაჟიკაშვილის ნამუშევრები.
გამოფენა-გაყიდვა 15:00 საათზე დაიწყება. დასწრება თავისუფალია.
ჟურნალისტ ბექა პატურაშვილის შვილს, 1 წლის ალექსი პატურაშვილს საზოგადოების დახმარება სჭირდება.
ბიჭუნას ცოტა ხნის წინ ღვიძლზე სიმსივნური წანაზარდი აღმოაჩნდა, რისთვისაც აუცილებელია სასწრაფო მკურნალობა, მკურნალობისთვის კი კოლოსალური თანხებია საჭირო.
ბავშვი ამჯერად იაშვილის კლინიკაშია მოთავსებული და საჭიროებს სასწრაფოდ გადაყვანას საზღვარგარეთ.
ანგარიშის ნომერია: GE54BG0000000161812619 (საქართველოს ბანკი);
მიმღები ბექა პატურაშვილი (ალექსის მამა).