გიორგი კახიანი - ბექა ოდიშარიას კანდიდატურას მივესალმები, თუმცა საუბარი ვინ იქნება ჯერ არარსებული კულტურის სამინისტროს ხელმძღვანელი, ნაადრევია

პრაქტიკამ აჩვენა, რომ მიზანშეწონილია კულტურის სამინისტროს ცალკე არსებობა, - ამის შესახებ პარლამენტის ვიცე-სპიკერმა გიორგი კახიანმა ჟურნალისტებს განუცხადა. მისი თქმით, თუ მთავრობა კულტურის სამინისტროს გამოყოფის გადაწყვეტილებას მიიღებს, ამას პარლამენტის მხრიდანაც ექნება მხარდაჭერა.

"კულტურის სამინისტროს გამოყოფაზე ადრეც იყო საუბარი და მეც დამიფიქსირებია ჩემი პოზიცია, რომ მიზანშეწონილად მიმაჩნია ასეთი გაყოფა. ვფიქრობ, პრაქტიკამ აჩვენა, რომ კულტურის სამინისტროს ცალკე არსებობა მიზანშეწონილია. თუ მთავრობა ამ გადაწყვეტილებას მიიღებს, ამაზე შემდეგ პარლამენტი იმსჯელებს და ვფიქრობ, პარლამენტის მხრიდანაც თანხმობა იქნება," - განაცხადა კახიანმა.

კითხვაზე, განიხილება თუ არა კულტურის მინისტრობის ერთ-ერთ კანდიდატად ბექა ოდიშარია, კახიანმა განაცხადა, რომ ამაზე ინფორმაცია არ აქვს და ჯერ ამაზე საუბარი ნაადრევია.

"საუბარი იმაზე, თუ ვინ იქნება ჯერ არარსებული სამინისტროს ხელმძღვანელი, ნაადრევია. ბექა ოდიშარიას კანდიდატურას მივესალმები, თუმცა კიდევ ერთხელ აღვნიშნავ, რომ ამაზე ინფორმაცია არ მაქვს და სამინისტროს გამოყოფის საკითხზე გადაწყვეტილება მიღებული არ არის,"- აღნიშნა კახიანმა.

ის ასევე გამოეხმაურა ოპოზიციის განცხადებებს, რომ კულტურის სამინისტროს ცალკე გამოყოფით მოხდება ხარჯების გაზრდა. კახიანის თქმით, სამინისტროების გაერთიანებას შეღავათები არ მოუტანია, შესაბამისად, მისი თქმით, გამოყოფის შემთხვევაში დამატებით სახსრებზე საუბარი არარელევანტურია.

"არანაირი კავშირი ამას ბიუჯეტთან არ აქვს. ამიტომ იმაზე საუბარი, რომ ახლა კულტურის სამინისტროს გაყოფა შეიძლება უკავშირდებოდეს დამატებით საბიუჯეტო სახსრებს, არარელევანტურია. სწორი მენეჯმენტი და უფრო მოქნილი მართვა - ეს იყო სამინისტროების გაერთიანების ერთ-ერთი მთავარი მიზანი, თუმცა თუ პრაქტიკამ აჩვენა, რომ დღეს მიზანშეწონილია კულტურის სამინისტროს ცალკე არსებობა, ეს გადაწყვეტილება უნდა მივიღოთ,"- განაცხადა კახიანმა.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო