ბექა ოდიშარია, ჩემი კოლეგა, კარგად არის გარკვეული კულტურის სფეროში, თუმცა ეს ინფორმაცია პირველად მესმის თქვენგან, - ასე უპასუხა პარლამენტის ადამიანის უფლებათა და სამოქალაქო ინტეგრაციის კომიტიტეტის თავმჯდომარემ სოფო კილაძემ ჟურნალისტების კითხვას იმის თაობაზე, რომ განათლების სამინისტროდან კულტურის სფეროს გამოყოფის შემთხვევაში კულტურის მინისტრად ბექა ოდიშარიას კანდიდატურა განიხილება.

სოფო კილაძის თქმით, ბექა ოდიშარია არის კულტურის სფეროს პროფესიონალი.

"ბექა ოდიშარია ჩემი კოლეგაა. გვაქვს ძალიან ბევრი მიმარათულებით მჭიდრო თანამშრომლობა და რა თქმა უნდა, მივესალმები მას და მის კანდიდატურას. ის არის პროფესიონალი, კულტურის სფეროში კარგად ერკვევა, თუმცა მართლა არ გამიგია ამის შესახებ ინფორმაცია", - განაცხადა კილაძემ.