გიგა ბოკერია - ოპოზიციის გეგმაა მწვავე პროტესტის გაგრძელება და ვნახოთ, ივანიშვილის რეჟიმი და მთელი მისი „კლოუნები“ ამ პროტესტს როგორ გაუძლებენ

ოპოზიციის გეგმაა მწვავე პროტესტის გაგრძელება და ვნახოთ, ივანიშვილის რეჟიმი და მთელი მისი „კლოუნები“ ამ პროტესტს როგორ გაუძლებენ, - ამის შესახებ „ევროპული საქართველოს " ერთ-ერთმა ლიდერმა, გიგა ბოკერიამ ოპოზიციის სამომავლო გეგმებზე საუბრისას განაცხადა.

მისი თქმით, ისინი ერთად დასახავენ გეგმას, თუ როგორ უნდა გამოიყვანონ ქვეყანა კრიზისიდან.

„ოპოზიციის გეგმაა მწვავე პროტესტის გაგრძელება და ვნახოთ, როგორ გაუძლებენ ამ მშვიდობიან პროტესტს, იმიტომ, რომ უკვე მორყეულია ივანიშვილის რეჟიმი და მთელი მისი „კლოუნები“ მორყეულები არიან, მაგრამ თუ ვთქვათ, ვადამდელ არჩევნებს ჩაატარებენ, ამ სისტემაშიც დამარცხდებიან, ოღონდ ამ შემთხვევაში, ეს იქნება არანორმალური სცენარი და ჩვენ, ოპოზიციური პარტიები, რომლებიც ერთმანეთისგან განვსხვავდებით ფასეულობებით და ყველაფრით, შევჯერდებით მაჟორიტარულ ოლქებში და შემდეგ ჩავატარებთ პროპორციულ არჩევნებს, სადაც ერთმანეთის კონკურენცია გვექნება და ხედვაზე დავა როგორ გამოვიყვანოთ ქვეყანა ამ კრიზისიდან, რომელშიც ივანიშვილმა შეიყვანა", - აღნიშნა ბოკერიამ.

რაც შეეხება ხელისუფლებისა და ოპოზიციის შეხვედრის მორიგ რაუნდს, ბოკერიას თქმით, შეხვედრის ზუსტი თარიღი ჯერ დაზუსტებული არ არის.

„ჯერ არ ვიცით, როდის გაიმართება მორიგი შეხვედრა. საზოგადოების დაკვეთა, ივანიშვილის პირობა დაღვრილი სისხლის და „გავრილოვის ღამის“ შემდეგ იყო პროპორციულ არჩევნებზე გადასვლა. ის ე.წ. შემოთავაზება 100-50-ზე ბალანსი იძლევა საშუალებას, რომ მესამედზე არსებითად ნაკლები მხარდაჭერით, პოლიტიკურმა ძალამ მოიპოვოს უმრავლესობა“, - განაცხადა ბოკერიამ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)