ლონდა თოლორაია ადასტურებს, რომ ანრი ოხანაშვილის საქმეზე ბრალდებული ვახტანგ რობაქიძის მიმართ სამართალდამცავების მიერ შესაძლო ზეწოლის ფაქტზე გამოძიება დაიწყო

სახელმწიფო ინსპექტორის სამსახურის ხელმძღვანელი ლონდა თოლორაია ადასტურებს, რომ მის სამსახურში დეპუტატ ანრი ოხანაშვილი საქმეზე ბრალდებული პირის ვახტანგ რობაქიძის მიმართ სამართალდამცავების მიერ შესაძლო ზეწოლის ფაქტზე გამოძიება დაიწყო.

როგორც მან ჟურნალისტებს განუცხადა, ვახტანგ რობაქიძე სახელმწიფო ინსპექტორის სამსახურში ინფორმაციის მიწოდების მიზნით დღესაა დაბარებული.

„ვადასტურებ, რომ განცხადება შემოსულია, ვადასტურებ იმასაც, რომ გამოძიება დაწყებულია 333-ე მუხლის, მე-3 ნაწილის „ბ“ ქვეპუნქტით. დღეს უნდა გამოცხადდეს ის სამართალდამცავ ორგანოში, სახელმწიფო ინსპექტორის სამსახურში ინფორმაციის მოწოდების მიზნით და მისი გამოკითხვის შემდგომ უფრო ინტენსიურად დაიგეგმება საგამოძიებო და საპროცესო მოქმედებები, რაც საჭირო იქნება მის მიერ მოწოდებული ინფორმაციიდან გამომდინარე. ამ ეტაპზე, ვინაიდან ის ჯერ ჩვენ სამსახურში გამოკითხვაზე არ ყოფილა, მეტ დამატებით ინფორმაციას ვერ მოგაწოდებთ, თუმცა გპირდებით რომ, გამოძიების მიმდინარეობის შესახებ ჩაგაყენებთ საქმის კურსში,“ - განაცხადა ლონდა თოლორაიამ.

ცნობისთვის, რამდენიმე დღის წინ, დეპუტატი ანრი ოხანაშვილი ბაკურიანში, ერთ-ერთ რესტორანში ოჯახთან ერთად ვახშმობდა, რა დროსაც ვახტანგ რობაქიძესა და ოხანაშვილს შორის სიტყვიერი დაპირისპირება მოხდა.

რობაქიძე სამართალდამცავებმა ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისადმი დაუმორჩილებლობას გულისხმობს.

შეგახსენებთ, რომ ანრი ოხანაშვილის საქმეზე დაკავებულ ვახტანგ რობაქიძეს ახალციხის რაიონულმა სასამართლომ აღკვეთი ღონისძიების სახით 7 000-ლარიანი გირაო შეუფარდა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ