არასრულწლოვანთა პორნოგრაფიის და ტრეფიკინგის საქმეზე დაზარალებულებიდან ორმა არასრულწლოვანმა თვითმკვლელობა სცადა. აღნიშნულის შესახებ ჟურნალისტებს დაკავებული 11 პირიდან ერთ-ერთის ადვოკატმა განუცხადა.

ადვოკატმა ჟურნალისტებთან კომენტარის გაკეთება სწორედ ამ მიზეზით არ ისურვა და განმარტა, რომ აღნიშნულ საქმეზე პროკურატურის მიერ გამართული ბრიფინგის შემდეგ ბავშვებმა თვითმკვლელობა სცადეს.

ამ წუთებში, თბილისის საქალაქო სასამართლოში არასრულწლოვანთა პორნოგრაფიის და ტრეფიკინგის ბრალდებით დაკავებული 11 პირის წინასასამართლო სხდომა მიმდინარეობს.

არასრულწლოვანთა პორნოგრაფიის უკანონოდ დამზადება-გასაღებისა და ტრეფიკინგის ბრალდებით სულ 24 პირია დაკავებული.

საქმეში მთლიანად დაზარალებული 23 არასრულწლოვანია, რომელთა ასაკი 8 წლიდან 14 წლამდეა.