პროკურორის განცხადებით, მათთვის არ არის ცნობილი, რომ არასრულწლოვანთა პორნოგრაფიის და ტრეფიკინგის საქმეზე დაზარალებულებიდან ორმა არასრულწლოვანმა თვითმკვლელობა სცადა

არასრულწლოვანთა პორნოგრაფიის და ტრეფიკინგის ბრალდებით დაკავებულების საქმის პროკურორის, მარიამ გოგორელიანის განცხადებით, ბრალდების მხარისთვის უცნობია ადვოკატის მიერ გაჟღერებული ინფორმაცია, რომლის მიხედვითაც, ორმა არასრულწლოვანმა თვითმკვლელობა სცადა.

„ბრალდების მხარისთვის აღნიშნული ფაქტი უცნობია, რას გულისხმობს დაცვის მხარე ჩვენთვის გაუგებარია. ბრიფინგის შემდეგ დაზარალებულები, ასევე მათი მშობლები საგამოძიებო ორგანოში იყვნენ დაკითხული და მსგავსი განცხადება არცერთ მათგანს არ გაუკეთებია. თუ ეს ბოლო დღეებში მოხდა, არც ესააა ჩემთვის ცნობილი, რადგან ამის თაობაზე არავის მოუმართავს“, - განაცხადა გოგორელიანმა.

დღევანდელ სასამართლო პროცესზე, რომელიც თბილისის საქალაქო სასამართლოში მიმდინარეობს, მტკიცებულებების დასაშვებობაზე უნდა იმსჯელონ. ამასთან, დაკავებულების მიმართ შეფარდებული აღკვეთის ღონისძიება პატიმრობა გადაისინჯება.

„ბრალდების და დაცვის მხარის მიერ წარმოდგენილი მტკიცებულებების დასაშვებობის და გამოყენებული აღკვეთი ღონისძიების ძალაში დატოვების საკითხი განიხილება. ბრალდების მხარე შუამდგომლობს, როგორც საკუთარი შუამდგომლობების დასაშვებად ცნობას, ასევე დაცვის მხარის მიერ წარმოდგენილი გარკვეული მტკიცებულებების დაუშვებლობაზე. არის მტკიცებულებები, რომელიც დაცვის მხარეს ნუსხაში მითითებული აქვს, თუმცა, ეს მტკიცებულებები წარმოდგენილი არ აქვს. ასევე, გარკვეული მტკიცებულებები კანონის მოთხოვნათა დარღვევით აქვთ მოპოვებული.

ბრალდების მხარეს აქვს არაერთი მტკიცებულება, მათ შორის არის ფარული სატელეფონო საუბრები, აგრეთვე, სოციალური ქსელიდან გამოთხოვილი ინფორმაცია, სატელეფონო ანძებით მიღებული ინფორმაცია, თუ სად იმყოფებოდნენ კონკრეტული მშობლები ფოტოსესიის დროს, არის მოწმეთა გამოკითხვის ოქმები და საბანკო ინფორმაცია, რითიც თანხების ჩარიცხვები დასტურდება“, - განაცხადა გოგორელიანმა.

ცნობისთვის, არასრულწლოვანთა პორნოგრაფიის უკანონოდ დამზადება-გასაღებისა და ტრეფიკინგის ბრალდებით სულ 24 პირია დაკავებული. საქმეში მთლიანად დაზარალებული 23 არასრულწლოვანია, რომელთა ასაკი 8 წლიდან 14 წლამდეა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს