ერაყში საპროტესტო აქციები განახლდა, დაღუპულია ექვსი ადამიანი

ერაყში, ბაღდადსა და ქვეყნის სხვა ქალაქებში განახლებული ანტი-სამთავრობო საპროტესტო აქციების დროს პოლიციასა და მომიტინგეებს შორის შეტაკებები მოხდა. დაღუპულია აქციის 4 მონაწილე და 2 პოლიციელი, რამდენიმე ადამიანი კი - დაჭრილია, - ამის შესახებ ინფორმაციას „როიტერსი“ ავრცელებს.

სააგენტოს ცნობით, პოლიციამ ალ-ტაიარანის მოედანზე მომიტინგეებს ცეცხლი გაუხსნა, ორი ადამიანი ტყვიით, ერთი კი ცრემლსადენი გაზის კასრის დარტყმისგან მიღებული ტრავმისგან გარდაიცვალა.

მეოთხე დემონსტრანტი კი პოლიციის ტყვიას ქალაქ კერბალაში ემსხვერპლა.

რაც შეეხება ორ გარდაცვლილ პოლიციელს, მათ ქალაქ ბასრაში ერთ-ერთი მოქალაქის მანქანა დაეჯახათ. სამართალდამცავების ინფორმაციით, ტაჰრირის მოედანთან ახლოს მომიტინგეებმა 14 პოლიციელი დაჭრეს.

აქციის მონაწილეებმა ქვეყნის სამხრეთ ნაწილში ცენტრალური გზები გადაკეტეს. ისინი აცხადებენ, რომ პრემიერ მინისტრმა ადელ აბდულ მაჰდიმ დანაპირები არ შეასრულა და ერაყელებისთვის მისაღები ახალი მთავრობა არ წარადგინა.

აქციების პარალელურად ბაღდადში, ე.წ. „მწვანე ზონაში“, სამი „კატიუშას“ ტიპის რაკეტა ჩამოვარდა. გავრცელებული ინფორმაციით, ორი რაკეტა აშშ-ის საელჩოსთან ახლოს დაეცა.

შეგახსენებთ, მასობრივი ანტი-სამთავრობო საპროტესტო აქციები ერაყში 1-ელი ოქტომბრიდან დაიწყო. აქციებს დღემდე 450 -ზე მეტი ადამიანის სიცოცხლე შეეწირა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“