მოძრაობა „შეცვალეს“ წევრები პარლამენტის შენობაში შესვლას ცდილობენ. „შეცვალეს“ ერთ-ერთი წევრის დიმიტრი ბიძინაშვილის განცხადებით, მათ სურთ კომიტეტის სხდომაზე დასწრება, სადაც იუსტიციის მინისტრი თეა წულუკიანი უნდა მივიდეს.
„წულუკიანი უნდა მოვიდეს აქ და მასთან გვაქვს კონკრეტული კითხვები, რატომ თანამშრომლობს კრიმინალებთან, რატომ ლობირებს ირაკლი შოთაძეს და რატომ უჭერდა მხარს მაჟორიტარულ სისტემას და რატომ მოატყუა ხალხი. და საერთოდ ამ რვა წლის განმავლობაში რა გაუკეთებია, რა შეუქმნია? გარდა იმისა, რომ იუსტიციის სახლებს სერვისად დაამატა just tax-ი, სხვა რა გააკეთა? ეს შენობა არ ეკუთვნის ივანიშვილს, წულუკიანს და თალაკვაძეს. ეს შენობა ეკუთვნის ქართველ ხალხს და როგორც მათ აქვთ პარლამენტში ყოფნის უფლება, ასევე გვაქვს ჩვენც- მოქალაქეებს. საშვი დაშვებულია ჩვენზე, მაგრამ არ გვიშვებენ და ველოდებით ახლა, რომ გაარკვიონ“, - განაცხადა დიმიტრი ბიძინაშვილმა.