საგარეო საქმეთა მინისტრი დავით ზალკალიანი, დღეს, ევროკავშირის სპეციალურ წარმომადგენელთან სამხრეთ კავკასიაში, ტოივო კლართან შეხვედრას გამართავს.
საგარეო საქმეთა სამინისტროს ინფორმაციით, შეხვედრაზე განსაკუთრებული ყურადღება დაეთმობა საქართველოს ოკუპირებულ რეგიონებში შექმნილ მდგომარეობას, კერძოდ, ბოლო განვითარებულ მოვლენებს საოკუპაციო ხაზზე, მათ შორის ახალგორის ე.წ. გადასასვლელის დაკეტვას და აღნიშნულის მძიმე ჰუმანიტარულ შედეგებს, ასევე სოფელ ჩორჩანასთან ხელოვნური ბარიერების აღმართვის უკანონო პროცესის გაგრძელებას.