ანრი ოხანაშვილის საქმეზე ბრალდებული - ექსპერტიზის ეროვნულ ბიუროში მხოლოდ ვიზუალური დათვალიერება მოხდა, ექსპერტმა ხელის დაზიანება დააფიქსირა

დეპუტატ ანრი ოხანაშვილის საქმეზე ბრალდებულმა ვახტანგ რობაქიძემ სამხარაულის სასამართლო ექსპერტიზის ეროვნული ბიურო უკვე დატოვა.

როგორც რობაქიძემ ჟურნალისტებთან საუბარში განმარტა, ექსპერტიზის ბიუროში სხეულზე ვიზუალური დათვალიერების დროს ხელზე დაზიანება დაფიქსირდა.

„მხოლოდ ვიზუალური დათვალიერება მოხდა. ექსპერტმა დააფიქსირა ხელის დაზიანება და განმიმარტეს, რომ ჩემი სახსრებით უნდა ჩავიტარო მუცლის ღრუს გამოკვლევები და შემდეგ ამ გამოკვლევის შედეგებს ჩაუტარდება ექსპერტიზა. დღესვე ვაპირებ კლინიკაში გამოკვლევაზე მისვლას, მაგრამ კონკრეტულად რომელ კლინიკაში მივალ, ჯერ არ ვიცი, უნდა გავარკვიო პირად ექიმთან",- განაცხადა ვახტანგ რობაქიძემ.

შეგახსენებთ, რომ 19 იანვარს, ვახტანგ რობაქიძეს ახალციხის რაიონულმა სასამართლომ აღკვეთი ღონისძიების სახით 7 000-ლარიანი გირაო შეუფარდა.

ცნობისთვის, რამდენიმე დღის წინ, დეპუტატი ანრი ოხანაშვილი ბაკურიანში, ერთ-ერთ რესტორანში ოჯახთან ერთად ვახშმობდა, რა დროსაც ვახტანგ რობაქიძესა და ოხანაშვილს შორის სიტყვიერი დაპირისპირება მოხდა.

რობაქიძე სამართალდამცავებმა ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისადმი დაუმორჩილებლობას გულისხმობს. მას 3-დღიანი ადმინისტრაციული პატიმრობა შეეფარდა.

ამასთან, ვახტანგ რობაქიძეს ანი ოხანაშვილის საქმეზე ბრალი სისხლის სამართლის კოდექსის 151-ე და 239-ე მუხლებით წარუდგენეს, რაც მუქარასა და ხულიგნობას გულისხმობს.

იხილეთ ვიდეო

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო