წულუკიანის მაგივრად, ვისაც ხელეწიფება ციხეებში წესრიგის დამყარება ის მოვა და იქნება მეორე წულუკიანი შარვალში თუ ქვედატანში ამას მნიშვნელობა არ აქვს - ასე შეაფასა "ერთიანი ნაციონალური მოძრაობის " წევრმა გრიგოლ ვაშაძემ იუსტიციის მინისტრის მიერ გაკეთებული განცხადება, მისი თანამდებობის შესაძლო დატოვების შესახებ.

გრიგოლ ვაშაძე ასევე გამოეხმაურა იმ კადრებს, რომელიც თავად თეა წულუკიანმა გამოაქვეყნა.

"ფაქტი, რომ ციხეებში ისევ დაბრუნდნენ მაყურებლები, "კანონიერი ქურდები" და ყველა უმსგავსობა, რაც გვეგონა რომ აღმოიფხვრა, ისევ დაბრუნდა, ამიტომ არ მიკვირს ის კადრები, რომლებიც გავრცელდა, ლომჯარიას მოხსენებაში, ეს უკეთესად იყო ჩამოთვლილი. ტრაგედია იცით რა არის? ბატიაშვილი-ჩხენკელზე იცვლება, მერე ისევ ბატიაშვილი მოდის და ქალბატონი წულუკიანის მაგივრად, ვისაც ხელეწიფება ციხეებში წესრიგის დამყარება ის მოვა და იქნება მეორე წულუკიანი შარვალში თუ ქვედატანში, ამას მნიშვნელობა არ აქვს ",-განაცხადა გრიგოლ ვაშაძემ.