ვლადიმერ პუტინი ყოფილ გენპროკურორს ჩრდილო კავკასიის რეგიონში თავის  სრულუფლებიან წარმომადგენლად ნიშნავს

რუსეთის პრეზიდენტის გადაწყვეტილებით, ყოფილი გენერალური პროკურორი იური ჩაიკა ჩრდილოეთ კავკასიის ფედერალურ ოლქში პრეზიდენტის სრულუფლებიან წარმომადგენლად ინიშნება. ამის შესახებ ინფორმაცია კრემლის პრესმდივანმა დიმიტრი პესკოვმა დაადასტურა.

პესკოვის განცხადებით, დანიშვნის შესახებ ფორმალური ბრძანებისთვის პრეზიდენტს ხელი ჯერ არ მოუწერია.

ვლადიმერ პუტინმა ჩაიკას მიმართა, რომ მისი დანიშვნა ამ თანამდებობაზე აუცილებელია როგორც ჩრდილო-კავკასიის რეგიონისთვის, ისე მთლიანად ქვეყნისთვის.

პუტინის თქმით, რეგიონში უამრავი საკითხია მოსაგვარებელი, განსაკუთრებით სოციალურ სფეროში, კორუფციასთან დაკავშირებით და აქტუალურია ტერორიზმთან ბრძოლის საკითხი.

იური ჩაიკა რუსეთის გენპროკურორის თანამდებობიდან 20 იანვარს გათავისუფლდა, მის ნაცვლად კი საგამოძიებო კომიტეტის ხელმძღვანელი იგორ კრასნოვი დაინიშნა.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე