ჟვანიას სკოლას ოფიციალური ვიზიტით პოლონეთის ლეხ კაჩინსკის სახელმწიფო ადმინისტრირების სკოლის დელეგაცია ეწვია

სსიპ ზურაბ ჟვანიას სახელობის სახელმწიფო ადმინისტრირების სკოლის ინიციატივითა და მხარდაჭერით საქართველოს პოლონური დელეგაცია ეწვია, რომელსაც ლეხ კაჩინსკის სახელობის სახელმწიფო ადმინისტრირების ეროვნული სკოლის (KSAP) დირექტორი ვოიჩეხ ფედერჩიკი ხელმძღვანელობს.

როგორც „ინტერპრესნიუსს“ სიპ ზურაბ ჟვანიას სახელობის სახელმწიფო ადმინისტრირების სკოლიდან აცნობეს, დღეს სკოლაში სამუშაო შეხვედრა გაიმართა.

მათივე ინფორმაციით, პოლონურ დელეგაციას ჟვანიას სკოლის დირექტორმა ქეთევან ჯაყელმა თანამშრომლებთან ერთად უმასპინძლა. KSAP-ის დირექტორმა ვოიჩეხ ფედერჩიკმა და ექსპერტმა სტეფან აკირა ჯარესკიმ ჟვანიას სკოლის გუნდს პოლონური გამოცდილება გაუზიარა. მოწვეულმა სტუმრებმა პრეზენტაციის სახით იმ პროგრამებისა და საქმიანობის შესახებ ისაუბრეს, რომელსაც მათი სკოლა 30 წელია წარმატებით ახორციელებს. შეხვედრის ბოლოს ორივე მხარეს მიეცა შეკითხვების დასმის შესაძლებლობა, დაისახა სამომავლო თანამშრომლობის გეგმები.

დღესვე, ჟვანიას სკოლისა და KSAP-ის დირექტორები ქეთევან ჯაყელი და ვოიჩეხ ფედერჩიკი იმერეთში სახელმწიფო რწმუნებულის პირველ მოადგილეს იოსებ ხახალეიშვილს შეხვდნენ. შეხვედრისას მხარეებმა იმ საკითხებზე ისაუბრეს, რომლებიც ერთობლივი პროექტების განხორციელებას, საჯარო მოხელეებისთვის გაცვლითი პროგრამების შემუშავებასა და საჯარო სექტორში დასაქმებული პირებისთვის ევროპული გამოცდილების გაზიარებას გულისხმობს.

პოლონური დელეგაციის ვიზიტის ფარგლებში ასევე დაგეგმილია შეხვედრები საქართველოს განათლების, მეცნიერების, კულტურისა და სპორტის სამინისტროში, საჯარო სამსახურის ბიუროში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი