ვიტალი მუტკომ, რომელიც ოკუპირებული აფხაზეთისა და ე.წ. სამხრეთ ოსეთის რეგიონული განვითარებისა და სოციალურ-ეკონომიკურ საკითხებს კურირებდა რუსეთის მთავრობაში თანამდებობა ვერ შეინარჩუნა
ოკუპირებული აფხაზეთი და ე.წ. სამხრეთ ოსეთი რუსეთის მთავრობაში კურატორის გარეშე დარჩნენ. ამის შესახებ „სპუტნიკი“ იუწყება.
სააგენტოს ინფორმაციით, რუსეთის მინისტრთა ახალ კაბინეტში შვიდმა ვიცე-პრემიერმა თანამდებობა ვერ შეინარჩუნა, რომელთა შორის არის ვიტალი მუტკო, რომელიც 2018 წლის მაისიდან რუსეთის მთავრობაში ინფრასტრუქტურის საკითხებთან ერთად, ოკუპირებული აფხაზეთისა და ე.წ. სამხრეთ ოსეთის რეგიონული განვითარებისა და მათთან სოციალურ-ეკონომიკურ საკითხებსაც კურირებდა.
როგორც ცნობილია, დღეს რუსეთის პრეზიდენტმა ვლადიმერ პუტინმა ხელი მოაწერა ბრძანებას ახალი მთავრობის სტრუქტურის შესახებ, სადაც ზოგიერთმა მინისტრმა თანამდებობა ვერ შეინარჩუნა.
