შერიგებისა და თანასწორობის საკითხებში სახელმწიფო მინისტრი ბრიუსელში ოფიციალურ ვიზიტს განაგრძობს.

როგორც „ინტერპრესნიუსს“ სამინისტროს პრესსამსახურიდან აცნობეს, ქეთევან ციხელაშვილი ხვალ ნატოს გენერალური მდივნის მოადგილეს შეხვდება. სახელმწიფო მინისტრი ბრიუსელის დროით 15:00 საათზე ნატო-საქართველოს კომისიის სხდომას დაესწრება და სიტყვით გამოვა.

უწყების ცნობითვე, ბრიუსელში ქეთევან ციხელაშვილთან ერთად იმყოფება საქართველოს საგარეო საქმეთა მინისტრის მოადგილე ვახტანგ მახარობლიშვილი.